استانادا جىل سايىن ءداستۇرلى تۇردە وتەتىن بيزنەستىڭ الەۋمەتتىك جاۋاپكەرشىلىگى جونىندەگى «پارىز» رەسپۋبليكالىق بايقاۋىنىڭ جەڭىمپازدارىن ماراپاتتاۋ ءراسىمى ءوتتى.
ەكسپو كونگرەسس-ورتالىعىندا وتكەن ءىس-شاراعا مەملەكەت باسشىسى قاسىم-جومارت توقايەۆ، پارلامەنت دەپۋتاتتارى، ورتالىق مەملەكەتتىك ورگاندار مەن رەسپۋبليكا كاسىپورىندارىنىڭ باسشىلارى قاتىستى.
بيىل كونكۋرسقا قاتىسۋعا 492 ۇيىم ءوتىنىم بەردى. ونىڭ 161ء-ى – ءىرى كاسىپكەرلىك، 331ء-ى – شاعىن جانە ورتا كاسىپكەرلىك سۋبەكتىسى. «ۇزدىك الەۋمەتتىك جاۋاپتى كاسىپورىن» نوميناسياسىندا 250 ءوتىنىم، «ەڭبەكتى قورعاۋ سالاسىنداعى ۇزدىك كاسىپورىن» نوميناسياسىندا 87 ءوتىنىم، «ۇزدىك ۇجىمدىق شارت» نوميناسياسىندا 67 ءوتىنىم، «ەكولوگياعا قوسقان ۇلەسى ءۇشىن» نوميناسياسىندا 48 ءوتىنىم، 2020 جىلدان باستاپ تاعايىندالعان «جىلدىڭ ۇزدىك الەۋمەتتىك جوباسى» ارنايى سىيلىعىمەن ماراپاتتاۋعا 40 ءوتىنىم ءتۇستى.
ورتالىق مەملەكەتتىك ورگاننىڭ باسشىلارىنان، پارلامەنت دەپۋتاتتارىنان، بيزنەس جانە كاسىبي وداقتاردىڭ وكىلدەرىنەن قۇرىلعان كوميسسيا قۇرامى رەسپۋبليكالىق كونكۋرستىڭ ناتيجەسىن كەلەسىدەي انىقتادى: ەكى سانات بويىنشا 2 گران-پري، 26 لاۋرەات اتاعى (ونىڭ 24ء-ى – ەكى ساناتتا ءتورت نوميناسيا بويىنشا ءۇش جۇلدەلى ورىن، قالعان 2-ەۋى – «جىلدىڭ ۇزدىك الەۋمەتتىك جوباسى» ارنايى پرەمياسىنىڭ يەگەرلەرى).
ءىرى كاسىپكەرلىك سۋبەكتىلەرى اراسىندا باس جۇلدەنى اباي وبلىسىنىڭ «باقىرشىق كەن ءوندىرۋ كاسىپورنى» ج ش س الدى. شاعىن جانە ورتا كاسىپكەرلىك سۋبەكتىلەرىنىڭ ىشىندەگى ەڭ ۇزدىگى قىزىلوردا وبلىسىنىڭ «اباي داۋلەت» ج ش س بولدى.
«ۇزدىك الەۋمەتتىك جاۋاپتى كاسىپورىن» نوميناسياسى بويىنشا ءىرى كاسىپكەرلىك سۋبەكتىلەرى اراسىندا اتىراۋ وبلىسىنىڭ «كاسپيي قۇبىر كونسورسيۋمى» اق، قاراعاندى وبلىسىنىڭ «Nova سينك» ج ش س جانە الماتى قالاسىنىڭ «كوكا-كولا الماتى بوتتلەرس بىرلەسكەن كاسىپورنى» جاۋاپكەرشىلىگى شەكتەۋلى سەرىكتەستىگى» لاۋرەات اتاندى. شاعىن جانە ورتا كاسىپكەرلىك سۋبەكتىلەرىنىڭ اراسىندا قوستاناي وبلىسىنىڭ «تۇرار» ج ش س، اقتوبە وبلىسىنىڭ «اقبوبەك» وڭالتۋ ورتالىعى» ج ش س جانە قاراعاندى وبلىسىنىڭ «شاحتەرسكوە» ج ش س بار.
«ەڭبەكتى قورعاۋ سالاسىنداعى ۇزدىك كاسىپورىن» نوميناسياسى بويىنشا ءىرى كاسىپكەرلىك سۋبەكتىلەرى اراسىندا: استانا قالاسىنىڭ «ەلەكتروۆوز قۇراستىرۋ زاۋىتى» ج ش س، اقتوبە وبلىسىنىڭ «ساگيز پەترولەۋم كومپاني» ج ش س جانە اقمولا وبلىسىنىڭ «جۋراۆليەۆكا-1» ج ش س لاۋرەات اتاندى. شاعىن جانە ورتا كاسىپكەرلىك سۋبەكتىلەرىنىڭ اراسىندا شىعىس قازاقستان وبلىسىنىڭ «ۆىدريحينسكوە» ج ش س، اباي وبلىسىنىڭ «سەمەي مونتاج فيرماسى-يمستالكون» ج ش س جانە پاۆلودار وبلىسىنىڭ «پوبەدا» ج ش س جەڭىمپاز اتاندى.
«ۇزدىك ۇجىمدىق شارت» نوميناسياسى بويىنشا ءىرى كاسىپكەرلىك سۋبەكتىلەرى اراسىندا باتىس قازاقستان وبلىسىنىڭ «ورال ترانسفورماتورلىق زاۋىتى» ج ش س، استانا قالاسىنىڭ «DAR RAIL» ج ش س جانە اقمولا وبلىسىنىڭ «RG Gold» ج ش س لاۋرەات اتاندى. شاعىن جانە ورتا كاسىپكەرلىك سۋبەكتىلەرىنىڭ اراسىندا ماڭعىستاۋ وبلىسىنىڭ «ترۋبرەمسەنتر» ج ش س، سولتۇستىك قازاقستان وبلىسىنىڭ «نوۆوميحايلوۆسكوە-2003» ج ش س جانە اقمولا وبلىسىنىڭ «ادجار ي ك» ج ش س ماراپاتتالدى.
«ەكولوگياعا قوسقان ۇلەسى ءۇشىن» نوميناسياسىندا ءىرى كاسىپكەرلىك سۋبەكتىلەرى اراسىندا باتىس قازاقستان وبلىسىنىڭ «QHSE-Akbarys» ج ش س، ۇلىتاۋ وبلىسىنىڭ «Adal Enbek KZ» ج ش س جانە تۇركىستان وبلىسىنىڭ «كاتكو» قازاقستان-فرانسيالىق بىرلەسكەن كاسىپشىلىگى» ج ش س ۇزدىكتەر قاتارىنان كورىندى. شاعىن جانە ورتا كاسىپكەرلىك سۋبەكتىلەرىنىڭ اراسىندا جامبىل وبلىسىنىڭ «م-كات گرين» ج ش س، شىعىس قازاقستان وبلىسىنىڭ «OstFish» ج ش س جانە قوستاناي وبلىسىنىڭ «EcoLabRecycling» ج ش س لاۋرەات اتاندى.
«جىلدىڭ ۇزدىك الەۋمەتتىك جوباسى» ارنايى سىيلىعىن شىعىس قازاقستان وبلىسىنىڭ «كازسينك» ج ش س ءىرى كاسىپكەرلىك سۋبەكتىسى جانە پاۆلودار وبلىسىنىڭ وبلىسىنىڭ «گاليسكوە» ج ش س شاعىن جانە ورتا كاسىپكەرلىك سۋبەكتىلەرى ساناتىنىڭ وكىلدەرى يەلەندى.
بايقاۋ جەڭىمپازدارىنا ءتيىستى ديپلومدار مەن ايرىقشا بەلگىلەر (ستاتۋەتكالار) تابىس ەتىلدى. سونداي-اق لاۋرەاتتارعا كونكۋرس ەمبلەماسىن جارنامالىق ماقساتتا وسى اتاق بەرىلگەن كۇننەن باستاپ ءۇش جىل ىشىندە پايدالانۋ قۇقىعى بەرىلەدى.
ەسكە سالا كەتسەك، 2008 جىلدان بەرى «پارىز» بايقاۋىنا 6 893 كاسىپكەرلىك سۋبەكتىسى قاتىسىپ، 393 كاسىپورىن لاۋرەات اتاعىنا يە بولدى.
گران-پري جۇلدەسى ءوز سالاسىندا جوعارى كورسەتكىشكە جانە كورپوراتيۆتىك، الەۋمەتتىك، ەكولوگيالىق جاۋاپكەرشىلىك قاعيداتتارىن ىسكە اسىرۋدا ۇزدىك ناتيجەگە جەتكەن ۇمىتكەرلەرگە بەرىلەدى. ءىرى كاسىپكەرلىك سۋبەكتىلەرىنىڭ ىشىنەن گران-پري يەگەرلەرى: 2008 جىلى «قازاقمىس» كورپوراسياسى» ج ش س؛ 2009 جىلى «تورعاي پەترولەۋم» اق؛ 2010 جىلى «سنپس-اقتوبەمۇنايگاز» اق؛ 2011 جىلى «تەڭىزشيەۆرويل» ج ش س؛ 2012 جىلى «قازترانسويل» اق؛ 2013 جىلى «وسكەمەن تيتانوماگنيي كومبيناتى» اق؛ 2014 جىلى «قازگەرمۇناي» بك» ج ش س؛ 2015 جىلى «سامۇرىق ەنەرگو» اق؛ 2016 جىلى «اقسايگازسەرۆيس» اق؛ 2017 جىلى «ەۋرازيالىق توپ» ج ش س؛ 2018 جىلى «كازسينك» ج ش س؛ 2019 جىلى «ەۋرازيالىق توپ» ج ش س؛ 2021 جىلى «قاراشىعاناق پەرتوليۋم وپەرەيتينگ ب.ۆ.»؛ 2022 جىلى «نورت كاسپيان وپەرەيتينگ كومپاني ن.ۆ.» بولدى.