تاۋلارداعى نوسەر جاڭبىردىڭ سالدارىنان سۋدىڭ لايلانۋ دەڭگەيى وزگەرگەن جوق، بۇل سۇزگى ستانسياسىندا سۋ تازارتۋ ۇدەرىسىن باستاۋدى قيىنداتتى.
الايدا مەدەۋ اۋدانىنىڭ وڭتۇستىك بولىگىندە سۋمەن جابدىقتاۋ جۇيەسىن قالپىنا كەلتىرۋدىڭ ارقاسىندا جەر استى كوزدەرىنەن قوسىمشا تىرشىلىك ءنارىن الىپ، كەستە بويىنشا سۋ بەرۋدى توقتاتپاۋعا مۇمكىندىك تۋدى، دەپ حابارلايدى Almaty-akshamy.kz.
«سۇڭقار» شاڭعى ترامپليندەرى كەشەنىنىڭ باتىسىندا ورنالاسقان «ترامپليندەر» سورعى ستانسياسىن ىسكە قوسۋ ناتيجەسىندە «ەسەنتاي» تۇك، «تاۋشاتىر» تۇك، «اقبوتا» تۇك جانە مەدەۋ اۋدانىنىڭ بىرنەشە تۇرعىن ءۇي كەشەنىن سۋمەن قامتۋدى قالپىنا كەلتىرۋگە جول اشىلدى. سۇزگى ستانسياسى ارقىلى تۇراقتى سۋمەن قامتاماسىز ەتۋ ءۇشىن لايلىلىق دەڭگەيى 30-40 مگ/دم3 دەيىن تومەندەۋى كەرەك. قازىرگى ول 148-300 مگ/دم3 ارالىعىندا. سۋعا ساعات سايىن زەرتحانالىق زەرتتەۋ جۇرگىزىلىپ وتىر.