يۋنەسكو ۇيىمى مەكتەپتەگى ساباقتاردا سمارتفوندى قولدانۋعا تىيىم سالۋعا شاقىردى.
مامانداردىڭ ايتۋىنشا، وقۋشىلار نازارى گادجەتتەرگە اۋىپ، وقۋ ۇلگەرىمى تومەندەپ كەتكەن. سونداي-اق ۇيالى تەلەفونعا تەلمىرگەن بالالاردىڭ كورۋ قابىلەتى دە كوڭىل كونشىتپەيدى، دەپ حابارلايدى Almaty-akshamy.kz .24.kz-كە سىلتەمە جاساپ.
يۋنەسكو-نىڭ زەرتتەۋلەرى بويىنشا مەكتەپتەردە تەحنولوگيالىق قۇرىلعىلار، اسىرەسە سمارتفوندار مەن كومپيۋتەرلەردى وقۋشىلار تىم كوپ قولدانادى. ساراپشىلار تەك قاجەتىنە قاراي پايدالانىپ، بۇل ءىستى تاجىريبەلى ۇستازدار باسقارۋى ءتيىس دەيدى.
- ءبىلىم بەرۋ سالاسىندا تەحنولوگيالاردى قولدانۋدا مۇقيات بولۋ كەرەك. ول وقۋ ساپاسىن كوتەرۋگە باعىتتالۋى قاجەت جانە وقۋشىلار مەن مۇعالىمدەرگە زيان كەلتىرمەۋى ءتيىس، -دەيدى «يۋنەسكو» ۇيىمىنىڭ باس ديرەكتورى ودري ازۋلە.
بايانداما اۆتورلارى بەلگىلى داعدىلار يگەرۋ جانە ناقتى عىلىمي سالالاردا ءبىلىمىن جەتىلدىرۋگە جاڭا تەحنولوگيالار پايدالى بولاتىنىن مويىنداپ وتىر. ءبىراق بالالارعا كەرى اسەرى تيمەس ءۇشىن مەكتەپ مۇعالىمدەرى وسى سالانى قاداعالاۋى كەرەك. الەمنىڭ ءاربىر ءتورتىنشى ەلىندە مەكتەپتەردە سمارتفوندارعا تىيىم سالىنعان. بۇل تىزىمدە وسىنداي شەكتەۋدى 2018 جىلى ەنگىزگەن فرانسيا بار. يتاليادا مۇعالىمدەر تاڭەرتەڭ وقۋشىلاردىڭ سمارتفوندارىن جيناپ الىپ، وقۋى بىتكەندە قايتارادى. 2024 جىلى ولاردىڭ قاتارىنا فينليانديا مەن نيدەرلاند قوسىلادى.
- ءبىلىم بەرۋ مەن وقۋ پروسەستەرىندە جاڭا تەحنولوگيالاردىڭ بولعانى دۇرىس. ءبىراق ول ادامداردىڭ جۇمىسىنا، دەنساۋلىعىنا زيانىن كەلتىرمەۋى ءتيىس،-دەيدى بايانداما اۆتورى مانوس انتونينيس.
سوڭعى 20 جىلدا كوپتەگەن مەكتەپتەردە قاعازدىڭ ورنىنا ەكرانداردى قولدانا باستادى. وقۋشىلار كىتاپ وقىماي، ينتەرنەتتەن اقپارات الاتىن بولدى. ال پاندەميا بۇل ءۇردىستى تەزدەتىپ جىبەردى. ميلليونداعان بالا ونلاين وقۋعا كوشتى. تەحنولوگياعا قۇمارلىق ءبىلىم بەرۋ سالاسىنا قىمباتقا ءتۇسىپ وتىر. وسى قاراجاتتى ۇستازداردىڭ جالاقىسىن كوتەرۋگە جانە تۇرمىسى ناشار وقۋشىلارعا كىتاپ ساتىپ الۋعا جۇمسالعانى ءجون، - دەيدى ۇيىم وكىلدەرى.
يستوچنيك: https://24.kz/kz/zha-aly-tar/lemde/item/611171-yunesko-jymy-mektepte-smartfon-oldanu-a-tyjym-salu-a-sha-yrdy
ليۋبوە يسپولزوۆانيە ماتەريالوۆ دوپۋسكاەتسيا تولكو پري ناليچيي گيپەرسسىلكي نا www