وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا الماتى قالاسى مەدەۋ اۋدانىنىڭ اكىمى اسەت ماسابايەۆ الماتىلىقتاردىڭ قالىپتى ومىرگە قايتا ورالۋى كوروناۆيرۋسقا قارسى ۇجىمدىق يممۋنيتەتتىڭ قالىپتاسۋ جىلدامدىعىنا بايلانىستى ەكەنىن ايتتى، دەپ حابارلايدى almaty-akshamy.kz
ول مەگاپوليس تۇرعىندارىن كوروناۆيرۋسقا قارسى ۆاكسينانى كەشىكتىرمەي الۋعا شاقىردى. اكىم بۇگىندە اۋداندا تەگىن ۆاكسينا الۋعا بارلىق جاعداي جاسالعانىن اتاپ ءوتتى. كەز كەلگەن ادام قالانىڭ 200-دەن استام ەكپە پۋنكتىنىڭ بىرىنە جۇگىنە الادى، ونىڭ 23ء-ى مەدەۋ اۋدانىنىڭ اۋماعىندا ورنالاسقان.
ءسىز ەكپە پۋنكتتەرىن 12 جەردەن تابا الاسىز:
№1 بپ – 3 پۋنكت، گوگول كوشەسى، 53؛
№2 – 2 پۋنكت، شۋحوۆ كوشەسى، 37 ب؛
№5 بپ– 6 پۋنكت، دوستىق داڭعىلى، 220؛
الاتاۋ قالالىق اۋرۋحاناسى، جەتبايەۆ كوشەسى، 28؛
كەڭساي شاعىناۋدانىنداعى فاپ، سارسەنبايەۆ كوشەسى، 55 ا؛
"دۋمان" دارىگەرلىك امبۋلاتورياسى، تاۋەلسىزدىككە 10 جىل كوشەسى، 42؛
مەدەۋ اۋدانىنىڭ بمسك ورتالىعى، قالداياقوۆ كوشەسى، 74؛
رەسپۋبليكا سارايى-2 پۋنكت، دوستىق داڭعىلى، 56؛
"گۋم" ءسۇ، قونايەۆ كوشەسى، 21؛
"جاسىل بازار" – 2 پۋنكت، جىبەك جولى داڭعىلى، 53؛
"الما" ءسۇ، جىبەك جولى داڭعىلى، 55؛
"Dostyk plaza" سوسو-2 پۋنكت، سامال-2 شاعىنماۋدانى، 111؛
كوروناۆيرۋسقا قارسى ەكپە ناۋقانىنا 115 مەديسينا قىزمەتكەرىنەن تۇراتىن 23 بريگادا جۇمىلدىرىلدى.
اسەت ماسابايەۆتىڭ ايتۋىنشا، حالىق سانيتارلىق-ەپيدەميولوگيالىق تالاپتاردى مۇقيات ساقتاپ، ۆاكسيناعا بارۋى، سونداي-اق بەتپەردە تاعۋدى جالعاستىرۋى، الەۋمەتتىك قاشىقتىقتى ساقتاۋى، ادام كوپ جينالاتىن ورىندارعا بارۋدان باس تارتۋى ءتيىس.
ىندەت كەزىنەن باستاپ مەدەۋ اۋدانىندا اۋرۋدىڭ 6 060 نىسانى انىقتالدى. سوندىقتان بارىنشا ساق بولۋ كەرەك، ال ءقاۋىپتى ىندەتتەن قورعانۋدىڭ جالعىز جولى – ۆاكسينا الۋ.
جالپى، اۋدان بويىنشا 111 529 تۇرعىندى ۆاكسينامەن قامتۋ جوسپارلانۋدا، بۇل الماتىلىقتاردىڭ 70% قۇرايدى. 1 اقپان مەن 29 شىلدە ارالىعىندا 82 388 ادام ەكپە الدى.
اسەت ماسابايەۆ مەدەۋ اۋدانىنىڭ تۇرعىندارىن COVID-19 ۆاكسيناسىن الۋدى جالعاستىرۋعا شاقىردى.
"ۆاكسينادان وتپەگەن قالا تۇرعىندارى ءقاۋىپتى. بۇگىندە 4 مىڭنان استام الماتىلىق كوۆيدتىك ستاسيونارلاردا ەمدەلۋدە. ەگەر ءبىز ءولىم-جىتىمدى ازايتىپ، ادەتتەگى ءومىر ىرعاعىنا ورالعىمىز كەلسە، مۇمكىندىگىنشە كوپ ادام ەكپە الۋى كەرەك"، – دەدى اۋدان اكىمى.
ايتا كەتسەك، ءساۋىر ايىندا مەدەۋ اۋدانىنىڭ اكىمى اسەت ماسابايەۆ كۆي-گە قارسى ەكپە الدى. سونداي-اق جاقىن تۋىستارى دا ۆاكسينا الدى.