الماتى قالاسى مەدەۋ اۋدانىنىڭ اكىمى اسەت ماسابايەۆ وڭىرلىك كوممۋنيكاسيالار قىزمەتىندە وتكەن بريفينگتە اۋداننىڭ جالپى ءبىلىم بەرۋ، مەكتەپكە دەيىنگى جانە مەديسينالىق مەكەمەلەردى رەكونسترۋكسيالاۋ تۋرالى ايتتى، دەپ حابارلايدى almaty-akshamy.kz
مەدەۋ اۋدانىندا 29 102 وقۋشىعا ءبىلىم بەرەتىن بارلىعى 28 مەملەكەتتىك مەكتەپ بار. وقۋشى ورنىنىڭ تاپشىلىعى 4 561ء-دى قۇرايدى.
اۋدان اكىمى ءا. ماسابايەۆ وقۋ جىلىنىڭ باسىندا الاتاۋ شاعىناۋدانىنداعى №7 مەكتەپتى سەيسميكالىق نىعايتۋ مەن ونداعى كۇردەلى جوندەۋ جۇمىستارى اياقتالاتىنىن حابارلادى.
سونداي-اق مەدەۋ اۋدانى اكىمىنىڭ ايتۋىنشا، №48 مەكتەپ عيماراتىنىڭ توزۋىنا بايلانىستى 300 ورىندىق قوسىمشا عيماراتقا كۇردەلى جوندەۋ جۇمىستارى باستالدى. جوبانى ىسكە اسىرۋ مەرزىمى – 2022 جىل.
ءا. ماسابايەۆ الاتاۋ شاعىناۋدانىندا جەرگىلىكتى تۇرعىندارعا قاجەتتى دەنە شىنىقتىرۋ-ساۋىقتىرۋ كەشەنىنىڭ قۇرىلىسى جۇرگىزىلىپ جاتقانىن ايتتى. جوسپاردا امبەباپ زال قاراستىرىلعان، ياعني بەس جولاعى بار ءجۇزۋ باسسەينى، بالالار باسسەينى، ترەناجەر زالى، تەننيس ۇستەلدەرى بار. اياقتالۋ مەرزىمى - 2022 جىلدىڭ قاڭتار ايى.
اۋدان اكىمى مەكتەپكە دەيىنگى ءبىلىم بەرۋ ۇيىمدارى تۋرالى دا تىلگە تيەك ەتتى. مەدەۋ اۋدانىندا 18 بالاباقشا، 63 جەكەمەنشىك بالاباقشا مەن 23 شاعىن ورتالىق جۇمىس ىستەيدى. تاربيەشىلەردىڭ جالپى سانى - 7 833 بالا (مەملەكەتتىك – 3 146، جەكە – 4 687).
"بيىل جەكە ينۆەستورلار ەسەبىنەن جالپى جوبالىق قۋاتى 300 ورىندىق التى بالاباقشا اشىلدى. تاعى دا №114، 116، 141 ءۇش مەملەكەتتىك بالاباقشادا قولدانىستاعى عيماراتقا جاپسارجاي جانە قوسىمشا قۇرىلىس ەسەبىنەن ءاربىر بالاباقشادا جوبالىق قۋاتتىلىقتى 50 ورىنعا ۇلعايتا وتىرىپ، كۇردەلى جوندەۋ جۇمىستارى جالعاسۋدا. №141 بالاباقشا قىركۇيەك ايىندا اشىلادى. N114 پەن N116 بالاباقشالاردىڭ قۇرىلىسىن اياقتاۋ مەرزىمى بيىلعى جىلدىڭ جەلتوقسان ايىنا جوسپارلانعان"، – دەدى اسەت ماسابايەۆ.
اۋدان اكىمى ب ا ق وكىلدەرىن اۋداننىڭ دەنساۋلىق ساقتاۋ جۇيەسى تۋرالى حاباردار ەتتى. بۇگىندە "شەتسىز قالا – شەكاراسىز مەديسينا" جوباسى اياسىندا دۋمان، سۇلۋساي، كەڭساي، كولساي جانە كامەنسكوە پلاتو شاعىناۋداندارىندا بەس دارىگەرلىك امبۋلاتوريا جۇمىس ىستەيدى. اۋداندا بارلىعى 37 دەنساۋلىق ساقتاۋ نىسانى بار.
"كەڭساي شاعىناۋدانىندا جاڭا دارىگەرلىك امبۋلاتوريا اشۋ جۇمىستارى جۇرگىزىلۋدە. شوقاي كوشەسىندەگى جالپى اۋدانى 166،8 ش.م ورىندى قاراستىردىق. سونداي-اق مۇندا ۋچاسكەلىك پوليسيا پۋنكتىن ورنالاستىرۋ جوسپارلانۋدا. بۇل جوبانى ىسكە اسىرۋ كەنساي ەلدى مەكەنىنىڭ عانا ەمەس، سۇلۋساي شاعىناۋدانىنىڭ تۇرعىندارىن دا قامتۋعا مۇمكىندىك بەرەدى. اياقتالۋ مەرزىمى جىل سوڭىنا دەيىن"، – دەپ قورىتىندىلادى ءسوزىن اسەت ماسابايەۆ.