مەدەۋ اۋدانىندا حالىق ساناعىنا دايىندىق جوسپار بويىنشا جۇرگىزىلۋدە

قازاقستاندا حالىق ساناعىنىڭ باستالۋىنا ءبىر ايدان استام ۋاقىت قالدى. الماتىنىڭ مەدەۋ اۋدانىندا دايىندىق جۇمىستارى قالاي ءجۇرىپ جاتقانى تۋرالى وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا اۋدان اكىمى اسەت ماسابايەۆ ايتىپ بەردى، دەپ حابارلايدى almaty-akshamy.kz

"حالىق ساناعىنا دايىندىق جوسپار بويىنشا جۇرگىزىلۋدە. اۋداندا ساناقتىڭ ءبىرىنشى كەزەڭىن وتكىزۋ ءۇشىن بەس ۋاكىلەتتى ۋچاسكە قۇرىلدى. ساناق قىزمەتكەرلەرى ىرىكتەلىپ، ولارمەن ەڭبەك شارتتارى جاسالدى. بارلىعى ستۋدەنت جاستاردان، سونداي-اق جۇمىس تاجىريبەسى بار نۇسقاۋشىلاردان 86 ادام قاتىسادى. ولاردىڭ بارلىعى وقۋدان ءوتتى"، – دەدى اۋدان اكىمى.

ۇيلەردىڭ ءتىزىمى دايىندالىپ، ساناقتى وتكىزۋدىڭ جوسپارى جاسالدى. كوشەلەردىڭ اتاۋى مەن ۇيلەردىڭ نومىرلەرى كورسەتىلگەن 6 مىڭنان استام انشلاگ ورناتۋ بويىنشا جۇمىستار جۇرگىزىلۋدە.

ەسكە سالساق، الداعى حالىق ساناعى سيفرلىق تەحنولوگيالاردى قولدانۋ ارقىلى وتەدى، بۇل وتە ىڭعايلى. باستى جاڭالىق حالىقتىڭ ساناق پاراقتارىن ەلەكتروندىق نىساندا ءوز بەتىنشە تولتىرۋ مۇمكىندىگى بولادى. جالپىۇلتتىق ساناق 1 قىركۇيەكتەن 30 قازانعا دەيىن وتەدى.