بۇگىنگى كەزدەسۋدە وسى تۋرالى ءسوز قوزعالدى.
قالا باسشىسىنىڭ ايتۋىنشا، اتالعان ورىن تۇرعىن ءۇي كەشەنىن سالۋعا ارنالماعان، دەپ حابارلايدى Almaty-akshamy.kz
«تاۋ-قىراتتىڭ جوعارى جاعىندا زيرات (مەدەۋ اۋدانى، وسپانوۆ كوشەسى) بار، ال ونىڭ اينالاسىنا تۇرعىن ءۇي كەشەنى سالىنۋدا، سونىڭ كەسىرىنەن زيرات جەرمەن-جەكسەن بولايىن دەپ تۇر» دەگەن ماسەلە كوتەردى كەزدەسۋگە كەلگەن تۇرعىن.
«بۇل ۋچاسكەدە كوپ پاتەرلى تۇرعىن ءۇي كەشەنىن سالۋ كوزدەلمەگەن. وزدەرىڭىز بىلەتىندەي، ال-فارابيدەن جوعارى كوپ پاتەرلى تۇرعىن ءۇي كەشەندەرىن سالۋعا تىيىم سالىنادى. جەر اكىمشىلىك كورپۋسى بار جەكە تۇرعىن ءۇي قۇرىلىسىنا (جتق) ارنالعان. وكىنىشكە قاراي، ءسىز ايتىپ وتىرعان زيرات تىركەلمەگەن (ەسكەرىلمەگەن جەرلەۋ ورىندارى، 50ء-شى جىلدارداعى زيرات ىلە اۋدانىنا قاراستى - تۇرعىننىڭ ەسكەرتپەسى) جانە ول ءتىپتى قالا كارتاسىندا جوق. مەن زيراتتىڭ مارتەبەسىن سۇرىپتاۋدى تاپسىردىم. قالا قۇرىلىسىن باقىلاۋ باسقارماسى بۇگىندە جۇمىستاردى توقتاتتى، ويتكەنى قالا قۇرىلىسقا رۇقسات بەرمەدى. شۇڭقىر زاڭسىز قازىلدى – ازاماتتاردىڭ مۇنداي باستاماسى توقتاتىلادى»، - دەپ جاۋاپ بەردى الماتى قالاسىنىڭ اكىمى ەربولات دوسايەۆ.
انىقتاما: قازىرگى ۋاقىتتا الماتى قالاسىنىڭ قالا قۇرىلىسىن باقىلاۋ باسقارماسى مەنشىك يەلەرىنىڭ بىرىنە قاتىستى جوبالاۋ-سمەتالىق قۇجاتتاماسىز شۇڭقىر قازۋ بويىنشا قۇرىلىس-مونتاج جۇمىستارىن جۇرگىزگەنى ءۇشىن اكىمشىلىك شارالار قولدانىلاتىن بولادى.