ادامزاتتىڭ مۇراعات مۇراسىن تالقىلاۋ ءۇشىن الەمنىڭ 200 ەلىنەن مۇراعاتشىلار كەلدى.
وڭىرلىك كوممۋنيكاسيالار قىزمەتىنىڭ الاڭىندا «اشىق قوعامعا – اشىق ارحيۆ» اتتى مۇراعاتشىلاردىڭ ءبىرىنشى حالىقارالىق كونگرەسىنە ارنالعان بريفينگ ءوتتى، دەپ حابارلايدى Almaty-akshamy.kz
شەتەلدىك ساراپشىلار وكق-نە كەلىپ، وزدەرىنىڭ ءىس-شاراعا قاتىسۋى تۋرالى ايتتى.
كونگرەستىڭ ۇيىمداستىرىلۋى مەن وتكىزىلۋىن ق ر مادەنيەت جانە سپورت مينيسترلىگى، ق ر سىرتقى ىستەر مينيسترلىگى جانە الماتى قالاسىنىڭ اكىمدىگى قولدادى.
ق ر پرەزيدەنتى ءارحيۆىنىڭ ديرەكتورى ءاليا مۇستافينا الماتى مەتروسىنىڭ 4 ستانساسىندا مۇراعات ءىسىن كەڭىنەن ناسيحاتتاۋ ماقساتىندا مۇراعات قۇجاتتارىنىڭ، ءتۇرلى تاريحي كەزەڭدەردىڭ كورمەسى قويىلعانىن، بۇدان بولەك، «مەنىڭ وتباسىمنىڭ تاريحى مۇراعات قۇجاتتارىندا» اتتى بالالار بايقاۋىنىڭ قورىتىندىسى شىعارىلدى.
«بايقاۋعا 70-تەن استام الماتىلىق وقۋشى قاتىسىپ، ءوز جۇمىستارىن ۇسىندى. كەشە جەڭىمپازداردى ماراپاتتاۋ ءراسىمى ءوتتى. سونداي-اق، كونگرەسس فورماتى ءۇش بەلسەندى جۇمىس كۇنگە جوسپارلانعانىن اتاپ وتكىم كەلەدى، ونىڭ بارىسىندا ءارتۇرلى تاقىرىپتاردا 8 الاڭ ۇيىمداستىرىلدى. بۇل – مۇراعاتتاردىڭ قولجەتىمدىلىگى، ارحيۆتەردى سيفرلاندىرۋ، مۇراعات ءىسى جانە قۇجات جۇرگىزۋ سالاسىنداعى مامانداردى وقىتۋ، دايارلاۋ ماسەلەلەرى»، - دەدى ءا.مۇستافينا.
ماسەلەن، بۇگىن حالىقارالىق احيۆتەر كەڭەسى قىزمەتىنىڭ كەڭەيتىلگەن تانىستىرىلىمى ءوتىپ جاتىر. تاعى ءبىر تاقىرىپ – يننوۆاسيالىق تەحنولوگيالاردى ەنگىزۋ جانە پايدالانۋ. بۇل باعىتتاعى قازاقستاندىق مۇراعاتشىلاردىڭ تاجىريبەسى شەتەلدىك قوناقتاردىڭ قىزىعۋشىلىعىن تۋدىردى. بۇل - شامامەن 200 مىڭ ساقتاۋ بىرلىگى جانە 4 ميلليون قۇجات.
فورۋمعا حالىقارالىق ارحيۆتەر كەڭەسىنىڭ اتقارۋشى ديرەكتورى Carlos Serrano Vasquez قاتىستى.
«مۇراعات ادام قۇقىقتارىمەن بايلانىستى، ويتكەنى وندا ساقتالعان اقپاراتقا بارلىق ادامدار قول جەتكىزۋگە قۇقىلى. مۇراعات دەرەكتەرىن سيفرلاندىرۋعا نازار اۋدارىپ وتىرعانىمىزدى ايتا كەتۋ وتە ماڭىزدى»، - دەدى شەتەلدىك دەلەگات.
وكق بريفينگىنە قاتىسقان تاعى ءبىر قوناق يوردانيا حاشيميت كورولدىگىنىڭ ۇلتتىق كىتاپحاناسىنىڭ باس ديرەكتورى Nidal Ibrahim Muhammad AL-AHMAD الماتىدا وتكىزىلىپ جاتقان كونگرەسستەن العان اسەرى جايلى ايتتى. ول قازاقستاندىق تاراپقا وسى شارانى ۇيىمداستىرىپ، الەمدىك مۇرا ءۇشىن قۇجاتتاردى ساقتاۋدا قوسىپ جاتقان ۇلەسى ءۇشىن العىس ايتتى.
«وسى فورۋمنىڭ ارقاسىندا ءبىز پروبلەمالىق ماسەلەلەردى بىرلەسىپ شەشە الامىز، مۇراعات دەرەكتەرىن ساقتاي الامىز، بىرىگە الامىز. ءبىر ەلگە قاتىستى كوپتەگەن مۇراعات قۇجاتتارىنىڭ باسقا ەلدە ساقتالۋى دا ءجيى كەزدەسەدى، ال وسىنداي شارالاردىڭ ارقاسىندا كەرى بايلانىستى قولداي وتىرىپ، اقپارات الماسۋدامىز»، - دەدى يوردانيادان كەلگەن قوناق.
كونگرەسس اياسىندا مۇراعات ءىسىن جان-جاقتى جاڭعىرتۋ ءۇشىن بۇگىنگى تاڭدا قولدانۋعا جانە ەنگىزۋگە بولاتىن جاڭا تەحنولوگيالار مەن قۇرالدار سالاسىنداعى وزەكتى تەندەنسيالاردى تالقىلاۋ ءۇشىن كاسىبي الاڭدار ۇيىمداستىرىلادى.