الماتى قالاسىنىڭ مەدەۋ اۋدانىندا 2023 جىلدىڭ سوڭىنا دەيىن مەديسينالىق قىزمەت كورسەتۋدى جاقسارتۋ جانە كەڭەيتۋ ماقساتىندا ءتورت دەنساۋلىق ساقتاۋ نىسانىنىڭ جوبالىق-سمەتالىق قۇجاتتاماسىن اياقتاۋ كوزدەلگەن، دەپ حابارلادى اۋدان اكىمى ەركەبۇلان ورازالين وكق بريفينگىندە.
«دۋمان» شاعىن اۋدانىندا 500 ادام قابىلدايتىن جاڭا ەمحانا سالۋ، «الاتاۋ» شاعىن اۋدانىندا مەملەكەتتىك ەمحانا عيماراتىن سەيسميكالىق كۇشەيتۋمەن قايتا جاڭارتۋ، №2 قالالىق مامانداندىرىلعان بالالار ءۇيىن كۇردەلى جوندەۋ (بايجانوۆ كوشەسى، 107/5)، №4 جەدەل جاردەم قوسالقى ستانسياسىنىڭ عيماراتىن سالۋ («سامال-3» ش/ا) جوسپارلانعان. №2 قالالىق مامانداندىرىلعان بالالار ءۇيىن كۇردەلى جوندەۋدى قاڭتار ايىندا باستاۋ جوسپارلانۋدا، قالعان ءۇش جوبا بويىنشا قۇرىلىس-مونتاجداۋ جۇمىستارى 2024 جىلدىڭ 2 توقسانىندا باستالادى.