قاسىم-جومارت توقايەۆ: ينۆەستيسيا تارتۋ ىسىندە «بيۋروكراتياعا مۇلدە جول جوق

 پرەزيدەنت ماراپاتتاۋ راسىمىندە نە تۋرالى ايتتى؟

ءبىرىنشى. پرەزيدەنت 2029 جىلعا قاراي ۇلتتىق ەكونوميكا كولەمىن 2 ەسە، ياعني 450 ملرد $ دەيىن ۇلعايتۋ جونىندە ماڭىزدى مىندەت جۇكتەدىم. «جالپى، ينۆەستيسيا تارتۋ ىسىندە «بيۋروكراتياعا مۇلدە جول جوق – بارىنشا ناقتى ىس-ارەكەت» قاعيداتى باسشىلىققا الىنۋى قاجەتتىگىن اتاپ ءوتتى.

ەكىنشى. ينۆەستيسيالىق جوبالاردى «جاسىل ءدالىز» قاعيداتى بويىنشا قولداۋ جۇيەسى ەنگىزىلەدى. بۇل ينۆەستورلارعا رۇقسات بەرەتىن قۇجاتتى الۋ ءىسىن وڭايلاتادى جانە جەدەلدەتەدى. 

ءۇشىنشى. مەملەكەت باسشىسى يندۋستريالاندىرۋ پروسەسىن جالعاستىرۋدىڭ ماڭىزدىلىعىن اتاپ ءوتتى، بۇل ءوندىرىس پەن ەكسپورتتى ۇلعايتۋعا ىقپال ەتەدى. سونداي-اق، «اۋىل اماناتى» جوباسى ارقىلى اۋىلدى جان-جاقتى دامىتۋعا، شاعىن نەسيەلەرگە 100 ملرد تەڭگە ءبولىپ، 18 مىڭنان استام جاڭا جۇمىس ورىندارىن قۇرۋعا باسا نازار اۋداردى. 

ءتورتىنشى.  ول جاڭا رەتتەۋشى ساياساتقا سايكەس كەلمەيتىن 10 مىڭنان استام ارتىق نورمالاردىڭ ءساتتى جويىلعانىن اتاپ ءوتتى. جاڭا سالىق كودەكسى سالىق ەسەپتىلىگىن 30%-عا قىسقارتۋ جانە تولەمدەردى 20%-عا وڭتايلاندىرۋ ارقىلى ۇكىمەت پەن بيزنەس قاتىناستارىنىڭ قايتا جۇكتەلۋىن ىنتالاندىرادى.