مەدەۋ اۋدانىندا وقۋشى ورىندارىنىڭ تاپشىلىعى ماسەلەسى قالاي شەشىلىپ جاتقاندىعى تۋرالى اۋدان اكىمى ەركەبۇلان ورازالين وكق بريفينگى بارىسىندا ايتىپ بەردى، دەپ حابارلايدى almaty-akshamy.kz
بۇگىنگى تاڭدا اۋدان بويىنشا 3 461 وقۋشى ورىندارى جەتىسپەيتىندىگى اتاپ ءوتىلدى. ونى تومەندەتۋ ماقساتىندا تامىز ايىندا №48 مەكتەپكە 250 ورىندىق تولىقتىرۋمەن قايتا جاڭارتۋ جانە №131 مەكتەپتى سەيسميكالىق كۇشەيتۋمەن كۇردەلى جوندەۋ اياقتالدى..
«جالپى، ءبىز 5 مىڭ جاڭا ورىنعا ارنالعان 8 جوبانى جۇزەگە اسىرۋ ۇستىندەمىز. بۇل سەيسميكالىق كۇشەيتۋ ارقىلى كەڭەيتۋ جانە كۇردەلى جوندەۋ قۇرىلىسى. تامىز ايىندا №35 (300 ورىندىق) جانە №99 (250 ورىندىق) مەكتەپتەرىنە كەڭەيتىلگەن 2 جوبالىق-سمەتالىق قۇجاتتاما بويىنشا ساراپتامالىق قورىتىندىلار الىندى. قۇرىلىس-مونتاجداۋ جۇمىستارىن باستاۋ 2024 جىلدىڭ 2 توقسانىنا جوسپارلانعان»، - دەدى ە.ورازالين.
جەلتوقسان ايىندا اۋدان اكىمدىگى №131 (300 ورىندىق) جانە №168 (300 ورىندىق) مەكتەپتەرگە باستاۋىش سىنىپتار ءۇشىن قوسىمشا عيماراتتار سالۋعا ەكى جوبالىق-سمەتالىق قۇجاتتاما بويىنشا ساراپتاما قورىتىندىسىن الۋ كۇتىلۋدە.
سونىمەن قاتار، №33، 161 جانە 17 مەكتەپتەردى سەيسميكالىق كۇشەيتۋ ارقىلى قايتا جوندەۋگە جوبالىق-سمەتالىق قۇجاتتاما ازىرلەنۋدە. №33 مەكتەپكە ساراپتاما الىندى (21.08.2023)، قۇرىلىس-مونتاجداۋ جۇمىستارى 2024 جىلدىڭ 1 توقسانىندا باستالادى. №161 جانە №17 مەكتەپتەرى بويىنشا اقپان ايىندا مەملەكەتتىك ساراپتامانىڭ قورىتىندىسى شىعىپ، قۇرىلىس-مونتاجداۋ جۇمىستارى 2024 جىلدىڭ 2 توقسانىندا باستالادى دەپ كۇتىلۋدە.
«جايلى مەكتەپ» جالپىۇلتتىق جوباسى اياسىندا قۇلجا تاس جولىنىڭ وڭتۇستىگىندە 2 مىڭ ورىندىق جاڭا مەكتەپتىڭ قۇرىلىسى باستالدى.
سونداي-اق، جەكە ينۆەستورلار ەسەبىنەن («MG City» ج ش س، «Saba Group» ج ش س) «دۋمان» شاعىن اۋدانىندا (1200 ورىن) جانە حاليۋللين كوشەسى، 140 (300 ورىن) بويىنشا 1500 ورىندىق ەكى مەكتەپ سالۋ جوسپارلانعان. 3 جوبا بويىنشا ىسكە اسىرۋ مەرزىمى 2024 جىل. 2024 جىلدىڭ قاڭتارىندا «Ikigai School» جەكە مەكتەبىنىڭ (260 ورىندىق) سپورتزالىنىڭ قوسىمشا قۇرىلىسى اياقتالادى.
بۇدان باسقا، بوگەنباي باتىر كوشەسى، 42 مەكەنجايى بويىنشا №29 مەكتەپ ءۇشىن 300 ورىندىق قوسىمشا قۇرىلىس سالۋ ءۇشىن جەر ۋچاسكەسىن ساتىپ الۋ راسىمدەرى جۇرگىزىلۋدە (ساتىپ الۋدى اياقتاۋدىڭ بولجامدى مەرزىمى وسى جىلدىڭ سوڭىنا دەيىن).
بيىل 500 ورىندىق 10 جەكە بالاباقشا اشۋ جوسپارلانۋدا. بۇگىنگى تاڭدا 450 ورىندىق 9 بالاباقشا اشىلدى، 1 بالاباقشا بيىلعى جىلدىڭ سوڭىنا دەيىن اشۋ جوسپارلانۋدا.
№195 بالاباقشانى سەيسميكالىق كۇشەيتە وتىرىپ، كۇردەلى جوندەۋگە جسق ازىرلەندى. اعىمداعى جىلدىڭ 23 قازانىندا وڭ قورىتىندى الىندى. قازىرگى ۋاقىتتا قمج ىسكە اسىرۋ ءۇشىن قۇرىلىس باسقارماسىنىڭ بالانسىنا (تاپسىرىس بەرۋشىگە) بەرۋ راسىمدەرى جۇرگىزىلۋدە.