101 جاڭا اۆتوبۋس ساتىپ الىندى.
الماتى اكىمى ەربولات دوسايەۆ ۇستىمىزدەگى جىلى مەدەۋ اۋدانىنداعى جول ينفراقۇرىلىمى قالاي وزگەرگەنىن ايتتى، دەپ حابارلايدى Almaty-akshamy.kz.
« بيىل ۇزىندىعى 27،2 كم بولاتىن 28 كوشەدەگى جولدار ورتاشا جوندەۋدەن ءوتتى. سونداي-اق، ۇزىندىعى 18،1 كم 12 كوشەگە تروتۋار سالىندى. كەلەسى جىلى ۇزىندىعى 55،5 كم 39 كوشەدەگى جولدارعا ورتاشا جوندەۋ جۇرگىزىلىپ، ۇزىندىعى 28،5 كم 22 كوشەگە تروتۋار سالىندى»، - دەدى قالا باسشىسى.
سونىمەن قاتار، اكىمنىڭ ايتۋىنشا، بيىل 9 مارشرۋتتى جاڭارتۋ ءۇشىن 101 جاڭا اۆتوبۋس ساتىپ الىندى.
«بۇگىنگى تاڭدا 4 مارشرۋتتىڭ (№69 – 18 اۆتوبۋس، №201 – 24 اۆتوبۋس، №12 – 16 اۆتوبۋس، №71 – 10 اۆتوبۋس) اۆتوبۋستارى جاڭارتىلدى، 5 مارشرۋتتىڭ اۆتوبۋستارى جىل سوڭىنا دەيىن (№5، №5ا، 5ب، 5ۆ – 8 اۆتوبۋس جانە №205 – 25 اۆتوبۋس) جاڭارتىلادى. بيىل قوسىمشا 1 مارشرۋت ىسكە قوسىلدى (№100 – 34 اۆتوبۋس). بۇدان باسقا كەلەسى جىلى قالداياقوۆ كوشەسىنەن «گەولوگ» باۋ-باقشا سەرىكتەستىگىنە دەيىن 1 جاڭا مارشرۋت ىسكە قوسىلادى»، - دەدى ەربولات دوسايەۆ.
2023 جىلى اۋدان اۋماعىندا 6 جاڭا ايالداما كەشەنى سالىنادى . وسى ايدىڭ سوڭىنا دەيىن 20 كوشەنى جارىقتاندىرۋ جۇمىستارى اياقتالادى. اكىمنىڭ ايتۋىنشا، مەدەۋ اۋدانىنىڭ كوشەلەرىنە، ونىڭ ىشىندە باۋ-باقشا سەرىكتەستىگىنە - بارلىعى 86 كوشەگە 2025 جىلدىڭ سوڭىنا دەيىن تولىق جارىق جۇرگىزىلەدى.