قاۋىپسىزدىكتى قامتاماسىز ەتۋ ماقساتىندا ادامدار كوپ جينالاتىن جەرلەردە 213 بەينەباقىلاۋ كامەراسىجۇمىس ىستەيدى.
بۇل تۋرالى بۇگىن قالا اكىمى ەربولات دوسايەۆتىڭ مەدەۋ اۋدانى تۇرعىندارمەن كەزدەسۋىندە ايتىلدى، دەپ حابارلايدى Almaty-akshamy.kz.
«جىل سوڭىنا دەيىن اۋدان اۋماعىندا بارلىعى 355 كامەرا ورناتىلادى، ونىڭ ىشىندە سىزدەردىڭ وتىنىشتەرىڭىز بويىنشا كەڭساي شاعىن اۋدانى مەن «بحب» جانە «بارۆيحا» بارلارىنىڭ جانىندا كامەرالار ورناتىلدى»، - دەدى ەربولات دوسايەۆ.
بۇدان باسقا، ءقازىر جولداردىڭ بويى مەن كوشە قيىلىستارىندا 123 «سەرگەك» كامەراسى بار (57ء-ى جەلىلىك ۋچاسكەلەردە، 66-ى – كوشە قيىلىستارىندا). قوسىمشا تاعى 58 كامەرا ورناتىلادى (45ء-ى - جەلىلىك ۋچاسكەلەردە، 13ء-ى – كوشە قيىلىستارىندا)، جۇمىستار 2023 جىلدىڭ ءىى-شى توقسانىندا اياقتالادى.
ينتەرنەت جانە ءموبيلدى بايلانىس
«وتكەن كەزدەسۋلەردە كەڭساي شاعىن اۋدانىنداعى ءموبيلدى بايلانىس پەن ينتەرنەتتىڭ ساپاسىن جاقسارتۋ ماسەلەسى كوتەرىلدى. بۇگىنگى تاڭدا «كسەلل» ءموبيلدى بايلانىس وپەراتورىنىڭ 2 بازالىق ستانسياسى كۇشەيتىلدى. سونداي-اق، «Beeline» جانە «Tele2» كومپانيالارى جىلدىڭ سوڭىنا دەيىن 2 ستانسيا ورناتادى»، - دەدى قالا اكىمى ە.دوسايەۆ.
سونداي-اق «مەگانەت» جاۋاپكەرشىلىگى شەكتەۋلى سەرىكتەستىگى ينتەرنەتتىڭ تالشىقتى-وپتيكالىق بايلانىس جەلىسىنىڭ كابەلدەرىن جۇرگىزۋدە. مونتاجداۋ جۇمىستارى
2023 جىلدىڭ IVء-شى توقسانىندا اياقتالادى.
مۇزتاۋ شاعىن اۋدانىندا بايلانىس ساپاسىن جاقسارتۋ بويىنشا وسىنداي جۇمىستار جۇرگىزىلۋدە. جىل سوڭىنا دەيىن ءبىر بازالىق ستانسيا جاڭعىرتىلادى.