الماتىدا اباتتاندىرۋعا دەگەن كوزقاراس وزگەردى. ويتكەنى سوڭعى جىلدارى "بيۋدجەتكە قاتىسۋ" باعدارلاماسى جۇمىس ىستەيدى. سونىڭ ارقاسىندا قالا تۇرعىندارى مەگاپوليستىڭ سىرتقى كەلبەتىن وزگەرتۋگە قابىلەتتى قانداي دا ءبىر جوبانى ىسكە اسىرۋعا داۋىس بەرە الادى. مەدەۋ اۋدانىنىڭ اكىمى اسەت ماسابايەۆ وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسى بارىسىندا 2021 جىلدىڭ سوڭىنا دەيىن جۇزەگە اسىرىلاتىن جوبالاردى اتادى، دەپ حابارلايدى almaty-akshamy.kz
"بيۋدجەتكە قاتىسۋ" باعدارلاماسىنىڭ ارقاسىندا ءبىز ازاماتتاردىڭ اۋلالاردى، سپورت الاڭدارى مەن باسقا دا ينفراقۇرىلىمدى اباتتاندىرۋ ماسەلەلەرى بويىنشا ناقتى قاجەتتىلىكتەرىن وتەي الدىق"، – دەدى اسەت ماسابايەۆ.
بيىل "بيۋدجەتكە قاتىسۋ" باعدارلاماسى اياسىندا 20-عا جۋىق جوبانى ىسكە اسىرۋ جوسپارلانۋدا. ولاردىڭ ىشىندە:
نازاربايەۆ داڭعىلى، 176، 264 مەكەنجايى بويىنشا 6 كونتەينەرلىك الاڭعا اۋىستىرۋ. دوستىق داڭعىلى، 95، 109، 111؛ سامال-1، سامال-2؛ سامال-3 شاعىناۋداندارى؛ ەلەبەكوۆ ك-سى، 29، ابدۋلليندەر ك-سى، 49؛ 28 گۆاردياشىل پانفيلوۆشىلار اتىنداعى ساياباق؛ نۇسىپبەكوۆ ك-سى، 19، پۋشكين ك-سى، 3؛
بيىل ماقاتايەۆ پەن مامەتوۆا كوشەلەرىنىڭ اراسىنداعى تولەبايەۆ كوشەسىندەگى جاياۋ جۇرگىنشىلەر ايماعىنداعى جوندەۋ جۇمىستارىنىڭ 80% اياقتالدى؛
ابىلعازى وزەنى ارقىلى وتەتىن جاياۋ جۇرگىنشىلەر كوپىرى مەن پاندۋستارى بار باسپالداقتاردى جوندەۋ جۇمىستارى 80%-عا اياقتالدى؛
يبراگيموۆ كوشەسى الاتاۋ ىقشاماۋدانى بويىنشا سەرۋەندەۋ ايماعىندا وسى جىلعى جوندەۋ جۇمىستارى 70%-عا اياقتالدى؛
شوقاي كوشەسىندەگى تروتۋاردىڭ بيىلعى جوندەۋ جۇمىستارى 40%-عا اياقتالدى؛
"كومپاس" اجس-نان قۇماي كوشەسى مەن شوقاي كوشەسىنە دەيىن شااج بويىنشا جاياۋ جۇرگىنشىلەر جولىن جوندەۋ جۇمىستارى اياقتالدى.
بيىل الاتاۋ شاعىن اۋدانىنداعى ارداگەرلەر اللەياسىن جوندەۋ جۇمىستارى 70%-عا اياقتالدى؛
قاراساي باتىر كوشەسى بويىنداعى قالداياقوۆ كوشەسىنەن زەنكوۆ كوشەسىنە دەيىنگى مەديسينا قىزمەتكەرلەرى اللەياسىنىڭ بيىلعى جوندەۋ جۇمىستارى 60%-عا اياقتالدى؛
لۋگانسكيي كوشەسىندەگى 70 جانە 80 ۇيلەر اراسىنداعى سكەيت-الاڭداعى جوندەۋ جۇمىستارى 60%-عا اياقتالدى؛
تولە بي كوشەسىنىڭ قيىلىسى ورمانوۆ كوشەسى بويىنداعى پاركۋر الاڭىن بيىلعى جوندەۋ جۇمىستارى 60%-عا اياقتالدى؛
دۋمان شاعىناۋدانىندا تىكساي وزەنى بويىنداعى جابىق سپورت الاڭىنداعى جوندەۋ جۇمىستارى 70%-عا اياقتالدى؛
قۇماي كوشەسىندەگى بالالار جانە سپورت الاڭىنىڭ جوندەۋ جۇمىستارى 90%-عا اياقتالدى؛
اۆتوماتتى سۋارۋدى بيىل جوندەۋ: ءال-فارابي داڭعىلىمەن دوستىق داڭعىلىنان نازاربايەۆ داڭعىلىنا دەيىن؛
تولە بي كوشەسىندە قايىربەكوۆ كوشەسىنەن شااج-عا دەيىن اۆتوماتتى سۋارۋدى جوندەۋ.
مەدەۋ اۋدانىنىڭ اكىمدىگى اۋلا اۋماقتارىن اباتتاندىرۋ ماسەلەسىنە ەرەكشە نازار اۋدارادى. اكىم ءا. ماسابايەۆ مەدەۋ اۋدانىندا 784 كوپ پاتەرلى تۇرعىن ءۇي جانە 536 اۋلا بار ەكەنىن ايتتى.
"ماۋسىم ايىندا 264 ملن تەڭگەگە 60 اۋلا اۋماعىنا بيىل جوندەۋ جۇمىستارى باستالدى. ونىڭ اياسىندا كىشى ساۋلەت نىساندارىن جوندەۋ مەن سىرلاۋ، شام اۋىستىرۋ، رەزەڭكە جابىندى توسەۋ، اعاشتاردى سانيتارلىق كەسۋ، ۆوركاۋت سناريادتارى مەن كۇشتىك ترەناجەرلارمەن تولىقتىرۋ كوزدەلگەن. بۇگىندە 26 اۋلادا رەزەڭكە توسەلدى، 46 اۋلادا جارىق ورناتىلدى، تاعى 26 اۋلادا سىرلاۋ جۇمىستارى جۇرگىزىلدى. تامىز ايىنىڭ سوڭىنا دەيىن اباتتاندىرۋ جۇمىستارى تولىق اياقتالادى"، – دەدى اكىم.
سونىمەن قاتار سامال-2 شاعىناۋدانىندا ءال-فارابي داڭعىلىنىڭ بويىنداعى 22 ءۇيدىڭ قاسبەتتەرىن جوندەۋ جۇمىستارى باستالدى. قازىرگى كەزدە №17 ۇيدە سىرلاۋ جۇمىستارى جۇرگىزىلۋدە. №18،19،20،21،29 ۇيلەردە سىلاۋ، جىكتەردى سىلاۋ، كونديسيونەرلەردى دەمونتاجداۋ بويىنشا دايىندىق جۇمىستارى باستالدى. جۇمىستىڭ اياقتالۋ مەرزىمى – بيىلعى جىلدىڭ قازان ايى.