بۇل تۋرالى الماتى قالاسىنىڭ اكىمى ە.دوسايەۆتىڭ مەدەۋ اۋدانىنىڭ تۇرعىندارىمەن كەزدەسۋىندە ايتتى، دەپ حابارلايدى اlmaty-akshamy.kz.
«حالىق قاتىساتىن بيۋدجەت» باعدارلاماسى شەڭبەرىندە تۇرعىنداردىڭ وتىنىمدەرى بويىنشا 19 جوبا (100%) ىسكە اسىرىلدى. ونىڭ ىشىندە اباتتاندىرۋ – 11، كونتەينەرلەرگە ارنالعان الاڭدار ورناتۋ – 8 جوبا.
كەلەسى جىلى داۋىس بەرۋ قورىتىندىسى بويىنشا كەلىپ تۇسكەن 170 ۇسىنىستىڭ ىشىنەن 30 جوبا ىرىكتەلدى، ونىڭ ىشىندە اۋلا اۋماقتارىن جوندەۋ – 12، قوعامدىق كەڭىستىكتى اباتتاندىرۋ – 11 جانە كونتەينەرلەر ورناتۋ بويىنشا – 7 جوبا.
2022 جىلى اعىمداعى جوندەۋ اياسىندا 20 اۋلا جانە كىشى الماتى وزەنىنىڭ جاعالاۋى اباتتاندىرىلدى. جۇمىستار كەلەسى جىلى جالعاسادى، 80 اۋلانى جوندەۋ جوسپارلانعان. 2025 جىلى اۋلا اۋماقتارى 100% جاڭارتىلادى.
جالپى، 2023 جىلى 110 جوبا ىسكە اسىرىلادى، ونىڭ ىشىندە اۋلالاردى جوندەۋ (80)، ۇيلەردىڭ فاسادتارىن جاڭارتۋ (23)، اۆتوماتتى سۋارۋ جۇيەلەرىن رەكونسترۋكسيالاۋ (4) جانە اباتتاندىرۋ (3) بار.