مەدەۋ اۋدانىندا تۇراقتى ەلەكترمەن جابدىقتاۋدى قامتاماسىز ەتۋ ءۇشىن «درۋجبا سپورت» باۋ-باقشا سەرىكتەستىگىنىڭ ۇزىندىعى 5 شاقىرىم ەلەكتر جەلىلەرىن رەكونسترۋكسيالاۋ جانە 3 ترانسفورماتورلىق پودستانسيانى ورناتۋ جۇمىستارى جۇرگىزىلۋدە، دەدى قالا اكىمى ەربولات دوسايەۆ اۋدان تۇرعىندارىمەن كەزدەسۋدە.
بۇگىنگى تاڭدا 93 تىرەكتى ورناتۋ (100%) جۇمىستارى اياقتالدى. 2 شاقىرىم جەراستى كابەلىن جانە 1،2 شاقىرىم اۋە جەلىسىن ورناتۋ جۇمىستارى جالعاسۋدا. قۇرىلىس-مونتاجداۋ جۇمىستارىن اياقتاۋ مەرزىمى - وسى جىلدىڭ قاراشا ايى.
سونداي-اق، گورنايا، شىبىنساي كوشەلەرىنىڭ، مۇزتاۋ، كەڭساي (1،2،3،4) شاعىن اۋداندارىنىڭ جانە باۋ-باقشا سەرىكتەستىكتەرىنىڭ تۇرعىندارى ۇزدىكسىز ەلەكترمەن قامتاماسىز ەتۋ ءۇشىن ۇزىندىعى 33،8 شاقىرىم يەسىز ەلەكتر جەلىلەرىن رەكونسترۋكسيالاۋ جانە 11 ترانسفورماتورلىق پودستانسيانى سالۋ جۇمىستارى اياقتالدى.
«اسقارتاۋ» شاعىن اۋدانىندا ەلەكتر جەلىلەرىن سالۋ ءۇشىن جوبالاۋ-سمەتالىق قۇجاتتاما دايىندالۋدا. جوبالاۋ-سمەتالىق قۇجاتتامانىڭ اياقتالۋ مەرزىمى – وسى جىلدىڭ قازان ايى.