بۇل تۋرالى الماتى قالاسىنىڭ اكىمى ە.دوسايەۆتىڭ مەدەۋ اۋدانىنىڭ تۇرعىندارىمەن كەزدەسۋىندە ايتتى، دەپ حابارلايدى اlmaty-akshamy.kz.
بۇگىنگى تاڭدا تۇراقتى سۋ باساتىن ورىنداردى جويۋ اياسىندا 7 ۋچاسكەدە جۇمىستار اياقتالدى (قونايەۆ كوشەسى – ايتەكە بي كوشەسى، ءال-فارابي داڭعىلى – رەميزوۆكا كوشەسىنە بۇرىلىس، نازاربايەۆ داڭعىلى (شىعىس) – باتىسقا قاراي، ساتبايەۆ كوشەسى – دوستىق داڭعىلى، ءال-فارابي داڭعىلى – دوستىق داڭعىلى، پۋشكين كوشەسى – مۇحامەدجانوۆ كوشەسى، ايتەكە بي كوشەسى – نازاربايەۆ داڭعىلى). ب-3 تۇرىندەگى جاڭا ارىقتار سالىندى، قۇبىر وتكەلدەرى قايتا جاڭارتىلدى، جەلىلەر كوللەكتورعا قوسىلدى، جاڭا قۇبىر وتكەلدەرى مەن باسقا دا جۇمىستار ۇيىمداستىرىلدى.
ارىق جەلىلەرىن سالۋ جانە قايتا جاڭارتۋ جوباسى شەڭبەرىندە قالانىڭ شىعىس بولىگىندە، ياعني مەدەۋ اۋدانىندا ۇزىندىعى 3 شاقىرىم بولاتىن (سازانوۆسكايا، تاتتىبەكوۆ، تولەبايەۆ كوشەلەرىندەگى 2 ۋچاسكە) 5 ۋچاسكەدە، ونىڭ ىشىندە ىڭكارداريا كوشەسىندە ارىق جەلىسىنىڭ قۇرىلىسى باستالدى (وسى كوشەدە ارىق جەلىسىن ۇيىمداستىرۋ جۇمىستارى بۇگىنگى كۇنى اياقتالدى). بۇل ماسەلە قىركۇيەكتە وتكەن كەزدەسۋ بارىسىندا كوتەرىلدى. جىل سوڭىنا دەيىن 1 كم سالىنادى.
وسى جوبا شەڭبەرىندە 26 كوشەدە 23،6 شاقىرىم ارىق جەلىسىن سالۋ جانە قايتا جاڭارتۋ قاراستىرىلۋدا. جوبانى 2023 جىلدىڭ اياعىنا دەيىن اياقتاۋ جوسپارلانعان. بۇل اۋدانداعى اعىندى سۋلاردىڭ اعىپ كەتۋىن ەداۋىر جاقسارتۋعا جانە سۋ باسقان جەرلەردى جويۋعا مۇمكىندىك بەرەدى.