بۇل تۋرالى الماتى قالاسىنىڭ اكىمى ە.دوسايەۆتىڭ مەدەۋ اۋدانىنىڭ تۇرعىندارىمەن كەزدەسۋىندە ايتتى، دەپ حابارلايدى اlmaty-akshamy.kz.
قازىرگى ۋاقىتتا «ەسەنتاي» وزەنىن اباتتاندىرۋ جوباسى اياسىندا كىشى الماتى وزەنىنىڭ 3ء-شى كەزەگى بويىنشا سۋ بولگىشتەن «مەدەۋ» كەشەنىنە دەيىن جالپى ۇزىندىعى 6،2 شاقىرىم جەردە جۇمىستار جۇرگىزۋ جوسپارلانعان.
جوبادا جاياۋ جۇرەتىن جولدار، دەمالىس ايماقتارىن قۇرۋ، كوگالداندىرۋ، جارىقتاندىرۋ، جاڭا شاعىن ساۋلەتتىك نىسانداردى ورناتۋ جانە ت.ب. قاراستىرىلعان. قۇرىلىس-مونتاجداۋ جۇمىستارى كەلەسى جىلدىڭ ءىى توقسانىندا باستالادى.
قوعامدىق كەڭىستىكتى دامىتۋ شەڭبەرىندە كىشى الماتى وزەنى بويىمەن تەررەنكۋرداعى سۋ ايدىنىنىڭ جوعارعى بولىگىن مەملەكەت مەنشىگىنە قايتارۋ پروسەدۋرالارى جۇرگىزىلۋدە. بالانسقا قابىلدانعاننان كەيىن بوگەتتى نىعايتۋ جانە كوپشىلىك ۇناتاتىن ورىننىڭ اۋماعىن اباتتاندىرۋ بويىنشا جەكە جوبا ازىرلەنەتىن بولادى. جوبالاۋ-سمەتالىق قۇجاتتاما 2023 جىلدىڭ IIءى توقسانىندا اياقتالادى.
جاياۋ جۇرەتىن بەلگىلى جولدارعا ەرەكشە نازار اۋدارىلعان. بۇگىن «كوكتوبە» ساياباعىندا قالا تۇرعىندارى مەن قوناقتارى جولدىڭ بويىمەن جۇرۋگە ءماجبۇر. بۇل جولداعى بارلىق ادامدارعا قولايسىز جانە ءقاۋىپتى. تۇرعىنداردىڭ وتىنىشتەرىن ەسكەرە وتىرىپ، كەلەسى جىلدىڭ III توقسانىندا جاياۋ جۇرەتىن ادامدارعا دەنساۋلىق جولى سالىنادى.