الماتى اكىمى ەربولات دوسايەۆ مەدەۋ اۋدانىنىڭ تۇرعىندارىمەن كەزەكتى كەزدەسۋ وتكىزدى. قالا اكىمدىگىنىڭ باسپا ءسوز قىزمەتىندە 2023 جىلدىڭ قىركۇيەگىندە اۋدان تۇرعىندارىمەن كەزدەسۋدە مەگاپوليس باسشىسىنىڭ بەرگەن تاپسىرمالارىنىڭ ورىندالعانى تۋرالى ايتىلدى.
سول كەزدە تۇرعىندار سۋمەن ۇزدىكسىز قامتاماسىز ەتۋ، جولداردى جوندەۋ، اۋلالاردى اباتتاندىرۋ، اۆتوبۋستاردى جاڭارتۋ جانە ت.ب. ماسەلەلەردى كوتەرگەن بولاتىن، دەپ حابارلايدى Almaty-akshamy.kz.
ناتيجەسىندە، كامەنسكوە پلاتو، كولساي، مۇزتاۋ جانە يۋبيلەينىي شاعىن اۋداندارىندا 7،3 مىڭ م3 سۋ سياتىن 7 رەزەرۆۋار سالىندى. سونداي-اق، ونىمدىلىگى تاۋلىگىنە 15،7 مىڭ م3 سۋ بولاتىن 6 سكۆاجينا رەكونسترۋكسيالاندى. بۇگىندە نىسانداردى ناۋرىز ايىندا تولىق ىسكە قوسۋعا قاتىستى جۇمىستار جۇرگىزىلۋدە.
اۋدان جۇرتشىلىعىنىڭ ءوتىنىشى بويىنشا 18 باعىتتاعى جىلجىمالى قۇرامدى جاڭارتۋ اياقتالدى، 4 جاڭا مارشرۋت ىسكە قوسىلدى (№43، 75، 232، 233) 5 جاڭا ايالداما كەشەنى سالىندى (قايداروۆ، قايىپوۆ، يبراگيموۆ، بازاربايەۆ كوشەلەرى، №47 مەكتەپ).
سونىمەن قاتار، اۋداننىڭ 28 كوشەسىندە ۇزىندىعى 21،8 كم ورتاشا جوندەۋ جۇمىستارى اياقتالدى، اعىمداعى جوندەۋ اياسىندا 2023 جىلى 56 مىڭ م2 جول توسەمى قالپىنا كەلتىرىلىپ، ۇزىندىعى 24،5 كم 29 كوشەدە تروتۋار جاسالدى.
اۋدان تۇرعىندارى "جۋرناليستەر" سكۆەرىنىڭ ۇزاق جوندەلگەنى تۋرالى شاعىمدانعان بولاتىن. ناتيجەسىندە جۇمىستار وتكەن جىلدىڭ سوڭىندا اياقتالدى. رەكونسترۋكسيالاۋ اياسىندا جابىندىلار توسەلدى، جاڭا ورىندىقتار، ۋرنالار قويىلدى، 3،8 مىڭ بۇتا مەن 10 تۋيا وتىرعىزىلدى. سونىمەن قاتار، وسپانوۆ كوشەسىندەگى جاياۋ جۇرگىنشىلەر ايماعىنىڭ قۇرىلىسى اياقتالدى، وندا تروتۋار كەڭەيتىلىپ، 80 سۋرەتشىنىڭ جۇمىسىمەن بەزەندىرىلگەن گراففيتي قابىرعاسى جاسالدى.
بۇدان باسقا، "الاتاۋ" شاعىن اۋدانىندا 600 ادامعا دەيىن قابىلداي الاتىن دەنەشىنىقتىرۋ-ساۋىقتىرۋ كەشەنىنىڭ قۇرىلىسى اياقتالدى. بۇگىندە سپورت نىسانى تەحنيكالىق رەجيمدە جۇمىس ىستەيدى.
جىل قورىتىندىسى بويىنشا اۋداندا 80 اۋلا اۋماعى اعىمداعى جوندەۋدەن ءوتتى، ۇيلەردىڭ 23 قاسبەتى جاڭارتىلدى، 13 جەر ءۇستى جانە جەراستى جاياۋ جۇرگىنشىلەر وتكەلى جوندەلدى، 4 اۆتوسۋارۋ جۇيەسى قايتا جاڭارتىلدى جانە 2 قوعامدىق كەڭىستىك اباتتاندىرىلدى. "حالىق قاتىساتىن بيۋدجەت" باعدارلاماسى اياسىندا جالپى سوماسى 1،6 ملرد.تەڭگە بولاتىن 44 جوبا ىسكە اسىرىلدى.