الماتى-1 ستانسياسىنداعى جەلىلىك پوليسيا باسقارماسىنىڭ قىزمەتكەرلەرى “بوگەت” جەدەل الدىن الۋ ءىس-شاراسى بارىسىندا زاڭسىز ەسىرتكى ساقتاعان ازاماتتى انىقتادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ەسىرتكى بيزنەسىمەن كۇرەس ءبولىمىنىڭ قىزمەتكەرلەرى الماتى-1 ۆوكزالىنداعى كۇتۋ زالىندا كريس اتتى قىزمەتتىك ءيتتىڭ كومەگىمەن كۇدىك كەلتىرگەن 41 جاستاعى و. ەسىمدى ازاماتتى تەكسەرگەن كەزدە ونىڭ قالتاسىنان پوليەتيلەن پاكەتكە وراعان ءيىسى وتكىر ۇنتاق تاپتى. سونىمەن قاتار ونىڭ ەكىنشى قالتاسىنان سىرىڭكە قورابىنا سالىنعان تاعى ءبىر ۇنتاق تابىلىپ، ەكى فاكت بويىنشا سوت-حيميالىق ساراپتاماسى تاعايىندالدى.
كۇدىكتىنىڭ ايتۋىنشا، ەكى ورامدى دا ول №6 شاعىن اۋدانداعى اللەيادان تاۋىپ العان. ونىڭ ەسىرتكى زاتىنا ۇقساس ۇنتاق ەكەنىن كورگەن سوڭ، كەيىن ءوزى پايدالانۋ ءۇشىن قالتاسىنا سالىپ العان. كۇدىكتى – الماتى قالاسىنىڭ تۇرعىنى، ەشقايدا جۇمىس ىستەمەيدى. اتالعان فاكت قىلمىستىق كودەكستىڭ 296-بابىنىڭ 2ء-بولىمى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر، كۇدىكتى ەشقايدا كەتپەۋ تۋرالى قولحاتپەن بوساتىلدى.