«پاري سەن-جەرمەن» كلۋبىنىڭ شابۋىلشىسى كيليان مباپپە ساناۋلى كۇندەردەن كەيىن كوماندادان كەتەدى. وسىعان بايلانىستى ول الەۋمەتتىك جەلىدە ەموسياعا تولى جازبا قالدىردى، دەپ حابارلايدى اlmaty-akshamy.kz
ايتا كەتەيىك، مباپپە بيىل فرانسيا چەمپيوناتىنىڭ ەڭ ۇزدىك ويىنشىسى اتانعان بولاتىن. مۇنان كەيىن ول كلۋبتان كەتەتىنى تۋرالى ۆيدەومالىمدەمە جاساعان.
«ليگا 1ء-دىڭ ەڭ ۇزدىك ويىنشىسى دەگەن تيتۋلدى بەسىنشى رەت الىپ، تولقىپ وتىرمىن. وسى جىلدار ىشىندە العان ماحابباتىم ءۇشىن بارشاڭىزعا العىس ايتقىم كەلەدى. كلۋبپەن بىرگە بولعان ەرەكشە ساتتەردى ەشقاشان ۇمىتپايمىن. مەنىڭ ءاردايىم ۇزدىك بولۋىما كومەكتەسكەن كومانداداعى دوستارىما، «پسج» كلۋبىنىڭ قىزمەتكەرلەرىنە العىس ايتامىن. مەن باسىمدى تىك كوتەرىپ كەتىپ بارام»، - دەپ جازدى مباپپە.
فرانسۋز فۋتبولشىسىنىڭ قانداي كلۋبقا اۋىساتىنى ازىرگە بەلگىسىز. بۇعان دەيىن سپورت ينسايدەرلەرى ونىڭ «رەالمەن» كەلىسىمگە كەلگەنىن حابارلاعان بولاتىن. بۇعان بايلانىستى مباپپەنىڭ ءوزى ءالى ءتىس جارعان جوق.