«ازاماتتارعا ارنالعان ۇكىمەت» 2024 جىلدىڭ ءتورت ايىندا 59 ملرد تەڭگە مولشەرىندە 1،7 ملن تولەم وڭدەدى. بۇل سوما بيىل العاش رەت ەنگىزىلگەن جاڭا تولەمنىڭ – جۇمىس بەرۋشىنىڭ مىندەتتى زەينەتاقى جارناسىنىڭ سوماسى.
جۇمىس بەرۋشىنىڭ مىندەتتى زەينەتاقى جارنالارى 1975 جىلدىڭ 1 قاڭتارىنان كەيىن تۋىلعان ءار قىزمەتكەر ءۇشىن تابىسىنىڭ 1،5% مولشەرىندە تولەنەدى. جارنا الدىمەن «ازاماتتارعا ارنالعان ۇكىمەتتىڭ» شوتىنا تۇسەدى. مەملەكەتتىك كورپوراسيا الەۋمەتتىك كودەكستىڭ 17-بابىنا سايكەس ءار سالىمشىنىڭ بارلىق زەينەتاقى جارنالارىنىڭ ەسەبىن جۇرگىزەدى. سودان كەيىن جبمزج سوماسى ءۇش جۇمىس كۇننىڭ ىشىندە ءبىرىڭعاي جيناقتاۋشى زەينەتاقى قورىنداعى شارتتى زەينەتاقى شوتتارىنا اۋدارىلادى.
جبمزج-نىڭ ون پايىزدىق زەينەتاقى جارنالارىنان (مزج) ايىرماشىلىعى - بۇل سوما قىزمەتكەردىڭ مەنشىگى بولىپ ەسەپتەلمەيدى، كاپيتالداندىرىلمايدى جانە مۇرا رەتىندە قالدىرىلمايدى.
شارتتى جيناقتار - زەينەتاقى جۇيەسىندەگى قوسىمشا دەڭگەي. زەينەتاقىنىڭ ءبىر بولىگىن جۇمىس بەرۋشىنىڭ مىندەتتى زەينەتاقى جارنالارىنان الۋ ءۇشىن جۇيەگە قاتىسۋ ءوتىلى 5 جىلدان كەم بولماۋ كەرەك. بۇل رەتتە جيناقتالعان جبمزج-نىڭ ءبىرجولعى تولەم سوماسى 2 ەڭ تومەنگى كۇنكورىس دەڭگەيى مولشەرىنەن اسپاۋى ءتيىس.