الماتىدا جاپونيا مەن كورەياعا ۆيزا الىپ بەرۋگە ۋادە بەرگەن بلوگەر ۇستالدى.
كۇدىكتى - تۇركىستان وبلىسىنىڭ تۋماسى. وعان ءبىرقاتار الاياقتىق جاسادى دەگەن ايىپ تاعىلىپ وتىر، دەپ حابارلايدى اlmaty-akshamy.kz.
الماتى قالاسى پوليسيا دەپارتامەنتىنىڭ مالىمەتىنە سايكەس، الەۋمەتتىك جەلىلەردىڭ بەلسەندى قولدانۋشىسى ءوز بلوگىندا جاپونيا مەن كورەيادا اقشا تابۋدىڭ جولدارى تۋرالى ايتىپ، قاجەتتى قۇجاتتاردى راسىمدەپ بەرۋگە ۋادە بەرگەن. ول ءوز قىزمەتى ءۇشىن ادامداردان 500 مىڭعا دەيىن اقى العان.
“22 جاستاعى كۇدىكتى ۇستالدى. تەرگەۋدىڭ وسى كەزەڭىندە ونىڭ ۇستىنەن 15 ادام پوليسياعا ارىز تۇسىرگەن. «قىزمەت» ءۇشىن الدىن الا تولەم سوماسى 100-دەن 500 مىڭ تەڭگەگە دەيىن بولدى. الدانعان ادامدار بۇدان دا كوپ بولۋى مۇمكىن. كۇدىكتىنىڭ زاڭسىز ارەكەتتەرىنەن زارداپ شەككەن ازاماتتاردى مىنا تەلەفون نومىرلەرىنە حابارلاسۋلارىن سۇرايمىز: 8-707-142-01-11 جانە 8-702-777-11-40”، - دەدى مەدەۋ اۋداندىق پوليسيا باسقارماسى باستىعىنىڭ ورىنباسارى تيمۋر مۋلينوۆ.
ايتا كەتەيىك، ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى.
ق ر كونستيتۋسياسىنىڭ 77 بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.