تانىمال پروديۋسەر بايان الاگوزوۆا الەۋمەتتىك جەلىدە "قازاقتار يسلام ءدىنىن قابىلداماعان" دەگەن مالىمدەمە جاساعان ەدى. ءدىنتانۋشى دانيار كەنجەۇلىنا پروديۋسەردىڭ ءسوزىن سىناپ، "Maxi چايعا" بويكوت جاريالاۋدى ۇسىندى، - دەپ حابارلايدى اqshamnews.kz.
دانيار كەنجە ۇلى بۇل پىكىرىن تhreads جەلىسىندە ءبولىستى.
"باياننىڭ "قازاقتار يسلام ءدىنىن قابىلداماعان" دەگەن ءسوزى - جاي عانا ساۋاتسىزدىق ەمەس، بۇكىل ۇلتتىڭ رۋحاني تاريحىنا قارسى جاسالعان سوققى. ءبىر حالىقتىڭ ساناسىن مۇقاتۋعا، ءدىني تۇتاستىعىن مازاق ەتۋگە باعىتتالعان اسا ءقاۋىپتى مالىمدەمە. قازاق ەجەلدەن مۇسىلمان. بۇل - شەجىرەدەن شەگەلەنگەن اقيقات. "مۇسىلمان بولماعانسىڭ" دەۋ - تەك ءدىندى ەمەس، تاريحتى، رۋحتى جوققا شىعارۋ. ەگەر جۇرەكتەگى يمان ءتىرى بولسا، باياننىڭ ءسوزى تيتتەي دە سالماق سالىپ، جاندى تۇرشىكتىرسە - "Maxi چايدى" ىشپەڭدەر. بويكوت جاريالاڭدار”، - دەپ جازدى دانيار كەنجە ۇلى.
جەلى قولدانۋشىلارى ءدىنتانۋشىنىڭ سوزىنە قارسى پىكىر ايتىپ، تۇرسەن الاگوزوۆ پەن ونىڭ كومپانياسىن قورعاپ شىققان.
"سەن الدىمەن 100 ادامعا پاتەر سىيلاپ كور"، "قىزداردى زورلاپ جاتقاندا نەگە بويكوت جاريالامايسىڭدار؟ ايەلىن كۇيەۋى ءولتىرىپ جاتقاندا شە؟ كاسىپ باستا، ادامدارعا جۇمىس بەر، پاتەر سىيلا"، "جۇرتقا مانيپۋلياسيا جاساپ سەن دە، "Maxi چايدىڭ" نە قاتىسى بار؟!" دەپ جازعان ولار.