بيىل ماۋسىمدا اۋا تەمپەراتۋراسى 43 جىل بۇرىنعى رەكوردتى جاڭارتتى. قازگيدرومەت ەل اۋماعىنىڭ باسىم بولىگىندە اۋا تەمپەراتۋراسىنىڭ ورتاشا ءمانى كليماتتىق نورمادان 1–3،5 گرادۋسقا جوعارى بولعانىن ايتتى، - دەپ حابارلايدى Massaget.kz ءتىلشىسى.
ەلدەگى تەمپەراتۋرالىق فوننىڭ جوعارى بولۋىنا باتىس ازيادان جىلى اۋا ماسسالارىنىڭ كەلۋى سەبەپ بولعان. ماۋسىمنىڭ ەكىنشى ونكۇندىگى ەرەكشە ىستىق بولىپ، تەمپەراتۋرالىق رەكورد تىركەلدى.
ماسەلەن، 6 ماۋسىمدا تارازدا اۋا تەمپەراتۋراسى +37،4 گرادۋسقا جەتىپ، 2023 جىلعى بۇرىنعى رەكوردتان (+36،0 گرادۋس) اسىپ ءتۇستى. بالقاشتا 12 ماۋسىمدا +34 گرادۋس تىركەلدى، بۇل 1982 جىلعى +32،5 گرادۋس رەكوردىنان جوعارى.
16–19 ماۋسىم ارالىعىندا مىنا قالالاردا رەكوردتار جاڭاردى:
- 16 ماۋسىم، جەزقازعان – +38،4 گرادۋس (1988 جىلعى رەكورد – +38،3 گرادۋس)
- 17 ماۋسىم، شىمكەنت – +38،7 گرادۋس (2023 جىلعى – +37،5 گرادۋس)
- 18 ماۋسىم:
- - جەزقازعان – +42،4 گرادۋس (1988 جىلعى – +41،1 گرادۋس)
- شىمكەنت – +40،6 گرادۋس (2023 جىلعى – +39،1 گرادۋس)
- تۇركىستان – +42،8 گرادۋس (1988 جىلعى – +42،6 گرادۋس)
- الماتى – +35،7 گرادۋس (2005 جىلعى – +35،0 گرادۋس)
- 19 ماۋسىم، سەمەي – +38،1 گرادۋس (2023 جىلعى – +37،2 گرادۋس)
كەيىن 24 ماۋسىمدا شىمكەنتتە +39،4 گرادۋس تىركەلىپ، 1984 جىلعى +39،2 گرادۋس رەكوردىنان استى. 29 ماۋسىمدا الماتىدا تەمپەراتۋرا +36،6 گرادۋسقا جەتىپ، 2022 جىلعى +35،5 گرادۋس رەكوردىن جاڭارتتى.
استانادا ماۋسىمداعى ورتاشا تەمپەراتۋرا +21،4 گرادۋس بولدى (نورما +19،6 گرادۋس). ەڭ جوعارى تەمپەراتۋرا 18 ماۋسىمدا – +36،3 گرادۋس، ال ەڭ تومەنى 9 ماۋسىمدا – +9،4 گرادۋس تىركەلدى.
جالپى جىلى اۋا رايىنا قاراماستان، كەي وڭىرلەردە تەمپەراتۋرا ايىرماشىلىقتارى بايقالدى. قازاقستاننىڭ باتىس بولىگىندە، اسىرەسە ماڭعىستاۋ وبلىسىندا، تەمپەراتۋرالىق رەجيم نەگىزىنەن نورماعا ساي نەمەسە ودان 1–1،7 گرادۋس تومەن بولدى.