الماتى وبلىسىنىڭ ەڭبەكشىقازاق اۋداندىق كوپسالالى اۋرۋحاناسىندا ماڭىزدى كەزدەسۋ ءوتتى.
بۇل جولى اق حالاتتى ابزال جاندار تەك ەمدەۋ ەمەس، قوعامنىڭ قاۋىپسىزدىگى تۋرالى دا ءسوز قوزعادى. جيىننىڭ باستى تاقىرىبى – ءدىني ەكسترەميزمنىڭ الدىن الۋ، دەپ حابارلايدى aqshamnews.kz.
ءىس-شارا ۇيىمداستىرۋشىسى – ءدىن سالاسىنداعى ماسەلەلەردى زەرتتەۋ ورتالىعى. ماقسات – دارىگەرلەردىڭ قۇقىقتىق ساۋاتىن ارتتىرىپ، سىني ويلاۋ قابىلەتىن دامىتۋ ارقىلى راديكالدى تۇجىرىمنان قورعانۋعا كومەكتەسۋ.
باس سپيكەر رەتىندە ءدىنتانۋشى، اتت مۇشەسى ءابدىحاميتوۆ باقداۋلەت حاليۋللا ۇلى ءسوز سويلەدى. ول راديكالدى اعىمداردىڭ بەلگىلەرىن ناقتى مىسالدارمەن ءتۇسىندىرىپ، ولاردىڭ ادامداردى قالاي اربايتىنىن جانە سوعان قارسى قانداي تاسىلدەر قولدانۋعا بولاتىنىن باياندادى.
جيىن بارىسىندا ينتەرنەت ارقىلى بەلگىسىز تۇلعالاردان ءبىلىم الۋ ءقاۋپى دە كەڭىنەن ءسوز بولدى. اقپاراتتىق كەڭىستىكتەگى راديكالدى ىقپالدان قورعانۋدىڭ ماڭىزدىلىعى ەرەكشە اتاپ ءوتىلدى.
كەزدەسۋ سوڭىندا قاتىسۋشىلار وسىنداي شارالار دارىگەرلەردىڭ ەكسترەميزمگە قارسى يممۋنيتەتىن قالىپتاستىرىپ، قاۋىپ-قاتەرگە توتەپ بەرۋگە كومەكتەسەتىنىنە سەنىم ءبىلدىردى. قوعامدىق تۇراقتىلىقتى ساقتاۋ – ءار ازاماتتىڭ ورتاق مىندەتى ەكەنىن تاعى ءبىر مارتە كورسەتتى.