ماماندار ماۋسىم ىستىق ءارى قۇرعاق بولادى دەپ بولجاپ وتىر.
«قازگيدرومەتتىڭ» مالىمەتىنە سايكەس، رەسپۋبليكانىڭ باسىم بولىگىندە ورتاشا ايلىق تەمپەراتۋرا بىر-ەكى گرادۋسقا كوتەرىلىپ، كەي ايماقتاردا جاۋىن-شاشىن مولشەرى ازايادى، دەپ حابارلايدى Almaty-akshamy.kz
«قازگيدرومەت» بولجامى بويىنشا، رەسپۋبليكانىڭ باسىم بولىگىندە ورتاشا ايلىق تەمپەراتۋرا بىر-ەكى گرادۋسقا كوتەرىلىپ، كەي ايماقتاردا جاۋىن-شاشىن مولشەرى ازايادى. ال سۋ تاسقىنى بولعان وڭىرلەردە مەتەورولوگتار ىلعال توپىراققا تەرەڭ ەنىپ كەتكەنىن ايتىپ، ول ايماقتارعا دا قۋاڭشىلىق ءقاۋپى ءتونىپ تۇرعانىن ەسكەرتتى.
«اتموسفەرالىق قۇرعاقشىلىق قوستاناي وبلىسىنىڭ امانگەلدى جانە جانگەلدى اۋداندارىندا، قاراعاندى وبلىسىنىڭ شەت اۋدانىندا، ماڭعىستاۋ وبلىسىنىڭ ماڭعىستاۋ جانە قاراقيا اۋداندارىندا، باتىس قازاقستان وبلىسىنىڭ كازتالوۆ اۋدانىندا بولجانادى»، -دەدى «قازگيدرومەت» رمك ارگومەتەورولوگيالىق بولجام باسقارماسىنىڭ باسشىسى قامار سالييەۆا.
ماماندار ماۋسىم ايىندا ورتالىق، سولتۇستىك جانە شىعىس وڭىرلەردە سىناپ باعاناسى 30-38 گرادۋسقا دەيىن جوعارىلايدى دەپ وتىر. ءبىراق جاز بويى ىستىق بولمايدى ەكەن. اپتاپ ىستىق تا اپتالاپ تۇرمايدى دەيدى سينوپتيكتەر. ال جاۋىن-شاشىن مولشەرى قىزىلوردا وبلىسى مەن باتىس ايماقتاردان وزگە وڭىرلەردە قالىپتى دەڭگەيدە بولماق.