بۇل - ەلىمىزدەگى ۇلتتىق كوميسسيانىڭ تۇجىرىمى.
سوعان سايكەس، جۇكتىلىكتىڭ 40%-ى جوسپارلانباعان، دەپ حابارلايدى Almaty-akshamy.kz
پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ وتىرىسىندا ءجاسوسپىرىم قىزدارعا مەديسينالىق قىزمەت كورسەتۋ جانە فەرتيلدى جاستاعى ايەلدەرمەن اكۋشەرلىك-گينەكولوگيالىق قىزمەتتىڭ جۇمىسى ماسەلەلەرى قارالدى.
سەناتور ءلاززات قالتايەۆا وتىرىسقا قاتىسۋشىلاردىڭ نازارىن مۇگەدەكتىگى بار ايەلدەرگە مەديسينالىق قىزمەت كورسەتۋدىڭ پروبلەمالىق ماسەلەلەرىنە اۋداردى.
ۇلتتىق كوميسسيانىڭ مۇشەسى، قوعام قايراتكەرى توعجان قوجالى شالعايداعى اۋىلدارداعى ايەلدەرگە كومەك كورسەتەتىن اكۋشەرلىك-گينەكولوگيالىق قىزمەت جۇمىسىنداعى ءبىرقاتار پروبلەمالاردى اتاپ ءوتتى.
وڭىرلەردەگى اۋىلدىق اۋرۋحانالارعا، فەلدشەرلىك پۋنكتتەرگە بارىپ وسى ماسەلەلەردى ەگجەي-تەگجەيلى زەردەلەگەن ۇلتتىق كوميسسيا مۇشەلەرى دەنساۋلىق ساقتاۋ مەنەدجەرلەرىمەن، دارىگەرلەرمەن جانە پاسيەنتتەرمەن كەزدەسۋلەر بارىسىندا ايەلدەردىڭ رەپرودۋكتيۆتى دەنساۋلىعىن قورعاۋ ءۇشىن ينفراقۇرىلىمنىڭ ۇزدىكسىز جۇمىس ىستەۋ ماسەلەسىنە نازار اۋداردى.
ايەلدەر كونسۋلتاسيالارىنا، پەرزەنتحانالارعا، وتباسىن جوسپارلاۋ كابينەتتەرىنە، اۋىلدىق اۋرۋحانالارعا، جاستار دەنساۋلىق ورتالىقتارىنا ادىستەمەلىك كومەك كورسەتۋ قاجەتتىلىگى بار.
وتباسىن جوسپارلاۋ كابينەتتەرىنىڭ جەتكىلىكتى سانىنا قاراماستان، جۇكتىلىكتىڭ 40%-ى جوسپارلانباعان، ال پرەگراۆيدارلىق دايىندىقتان وتكەن جۇپتاردىڭ ۇلەسى 30%-دان اسپايدى. وسى تۇرعىدا اتالعان جۇمىستى ۇيىمداستىرۋدىڭ تاسىلدەرىن قايتا قاراۋ ۇسىنىلدى.
ۇلتتىق كوميسسيا ءتوراعاسى دەنساۋلىق ساقتاۋ مينيسترلىگىنىڭ جەرگىلىكتى اتقارۋشى ورگاندارمەن، وقۋ-اعارتۋ، عىلىم جانە جوعارى ءبىلىم مينيسترلىكتەرىمەن بىرلەسىپ فەرتيلدى جاستاعى قىزدار مەن ايەلدەردىڭ دەنساۋلىعىن ساقتاۋ، جاسوسپىرىمدەردىڭ رەپرودۋكتيۆتى دەنساۋلىعىن نىعايتۋ، سونداي-اق جاستاردى سانالى اتا-انا بولۋعا دايىنداۋ جونىندە شارالار كەشەنىن قابىلداۋ قاجەتتىگىن اتاپ ءوتتى.