اي سايىن 12 بالا ەم الادى.
ءار 10 كۇن سايىن 180 بالا وڭالتۋ كۋرسىنان وتەدى، دەپ حابارلايدى Almaty-akshamy.kz
وزبەكستاننىڭ بەلگىلى كاسىپكەرى تۋا ءبىتتى سال اۋرۋىنا شالدىققان قازاقستاندىق بالعىنداردى ءوزىنىڭ وڭالتۋ ورتالىعىندا تەگىن ەمدەيدى، دەپ حابارلايدى Almaty-akshamy.kz 24.kz ارناسىنا سىلتەمە جاساپ.
ەكى ەل اراسىنداعى وڭىرلىك ىنتىماقتاستىقتى نىعايتۋ ماقساتىندا وزبەكستاننىڭ ءىرى كومپانيالار توبىنىڭ باسشىسىمەن سەرەبرالدى سال اۋرۋىنا شالدىققان بالالاردى ەمدەۋ تۋرالى مەموراندۋمعا قول قويىلدى.
باستاما قازاقستاننىڭ سامارقاندتاعى باس كونسۋلدىعى ارقىلى جۇزەگە اسىپ وتىر. سامارقاندتاعى كلينيكادا اي سايىن 12 بالا ەم الادى. ءار 10 كۇن سايىن 180 بالا وڭالتۋ كۋرسىنان وتەدى.
"ايىنا تەگىن 12 بالا جانە ولاردىڭ جانىندا جۇرەتىن اتا-اناسى تەگىن ەم الادى. وزبەكستان تاراپى شەكارالاس وبلىستارىمىزدا تۇراتىن ءبىزدىڭ ازاماتتارىمىزعا جاتاتىن جەرلەرى، تاماقتاندىرۋ، دارى-دارمەكپەن قامتاماسىز ەتۋ كومەگىن دە كورسەتەدى. ويتكەنى جول-پۇلىن ولار وزدەرى كوتەرەدى"، - دەدى قازاقستاننىڭ سامارقاندتاعى باس كونسۋلى باۋىرجان دوسمانبەتوۆ.