مەملەكەت باسشىسى قاسىم-جومارت توقايەۆتىڭ باستاماسىمەن 6 قازاندا ەلىمىزدە اەس سالۋ ماسەلەسىنە قاتىستى رەسپۋبليكالىق رەفەرەندۋم وتەدى.
اتوم ەلەكتر ستانسياسى – قازاقستاننىڭ ەكولوگيالىق جانە ەنەرگەتيكالىق بولاشاعىن قامتاماسىز ەتۋدەگى ستراتەگيالىق ماڭىزى بار شەشىم.
اەس كومىرقىشقىل گازىنىڭ شىعارىندىلارىن جانە كومىرگە تاۋەلدىلىكتى ازايتۋدىڭ ەڭ ءتيىمدى جولدارىنىڭ ءبىرى بولىپ تابىلادى. ونىڭ كومىر ەلەكتر ستانسيالارىنان باستى ايىرماشىلىعى – قورشاعان ورتانى ۋلى گازدارمەن، كۇلمەن نەمەسە زياندى قالدىقتارمەن لاستامايدى.
اتوم ەنەرگەتيكاسى تۇراقتى، سەنىمدى جانە ەكولوگيالىق تازا ەنەرگيا كوزى رەتىندە ەلىمىزدىڭ ەكونوميكاسىن دامىتىپ، ەنەرگەتيكالىق قاۋىپسىزدىگىن نىعايتۋعا سەپتىگىن تيگىزەدى.
سونىمەن قاتار، اەس سالۋ جاڭا تەحنولوگيالاردى ەنگىزىپ، جوعارى بىلىكتى ماماندار دايارلاۋعا، جاڭا جۇمىس ورىندارىن اشۋعا مۇمكىندىك بەرەدى.
بۇل ەلىمىزدىڭ بولاشاقتاعى تۇراقتى دامۋىنا ايتارلىقتاي ۇلەس قوسادى.
اتوم ەنەرگياسى – تۇراقتىلىق پەن ەكونوميكالىق وسۋگە كەپىل بولا الاتىن باستى ەنەرگيا كوزى.