كەشەگى وتكەن قالا باسشىسىنىڭ «الماتى» تەلەارناسىنداعى تىكەلەي ەفيرىن كوردىك. جالپى، قالاعا جولايرىقتار سالۋ - وتە ۇلكەن، جاۋاپتى باستاما دەپ ويلايمىن. وندا باستى نازار اۋداراتىن نارسە - جولدىڭ ساپاسى بولىپ تابىلادى.
ءبىزدىڭ كومپانيا جول قۇرىلىسى جۇمىستارىنىڭ، جوندەۋ جۇمىستارىنىڭ ساپاسىن ساراپتايدى. سالىنىپ جاتقان جولعا شىعىپ، سىناما الامىز. سىنامانى ءوزىمىزدىڭ زەرتحانادا زەرتتەپ، ودان كەيىن قۇرىلىس ناتيجەسىن تاپسىرىس بەرۋشىگە جانە مەردىگەرگە جولدايمىز.
ەگەر قانداي دا ءبىر اقاۋ انىقتالاتىن بولسا، تۇزەتۋ ەنگىزۋىنە مۇمكىندىك بەرىلەدى. جول سالىنىپ بولعاسىن، ءبىراز ۋاقىتتان كەيىن قايتا سىناما الۋعا شىعىپ، جولدىڭ ساپاسىن، قۇرىلىسىن تەكسەرەمىز. قازىرگى تاڭدا الماتى قالاسىنداعى جولدىڭ 80 پايىزى قاناعاتتانارلىق جاعدايدا.