الماتى قالاسىنىڭ اكىمى باقىتجان ساعىنتايەۆ «الماتى» تەلەارناسىنداعى جول ينفراقۇرىلىمىن دامىتۋ جونىندەگى ونلاين-تانىستىرىلىم بارىسىندا قالامىزدا سالىنىپ جاتقان ءۇش جولايرىق تۋرالى ايتتى دەپ حابارلاعان بولاتىنبىز.
بۇگىن اكىمنىڭ وسى ونلاين-تانىستىرىلىمىن كورگەن قالا تۇرعىنى، ساۋلەت جانە قالا قۇرىلىسى بويىنشا PhD دوكتور ارمان ساعييەۆ ءوز پىكىرىمەن ءبولىستى، دەپ حابارلايدى Almaty-akshamy.kz.
- «الماتى» تەلەارناسىنان الماتى قالاسىنىڭ اكىمى باقىتجان ساعىنتايەۆتىڭ قالاداعى سالىنىپ جاتقان جولايرىقتار قۇرىلىسى تۋرالى حاباردار ەتكەن كورسەتىلىمىن كورىپ، تىڭدادىق. شىنىمەن دە، قالىڭ كولىك جۇيىتكيتىن كوشەلەرگە ۇلكەن جولايرىقتار كەرەك.
كەشە قالا اكىمى ايتىپ وتكەندەي، جەر استى وتكەلدەرى، تروتۋارلار، ۆەلوسيپەدكە ارنالعان ارنايى جولدار قالا تۇرعىندارىنىڭ قاۋىپسىزدىگىن ارتتىرادى. قالاداعى ەڭ ۇلكەن رىسقۇلوۆ، ساين، سەيفۋللين سياقتى كوشەلەرگە جولايرىقتار سالىنىپ جاتىر. بۇل قالا تۇرعىندارىن قۋانتادى دەگەن ويدامىن.
نەگىزى قۇرىلىسقا از ۋاقىت كەتپەيتىنى بەلگىلى. بۇل ەڭبەكتى تالاپ ەتەتىن جۇمىس. ۇساق دەتالىنە دەيىن ۇيىمداستىرىلۋى كەرەك. مىسالى، جەر استى وتكەلدەرى قاي جەرگە سالىنادى، تروتۋارلاردىڭ ۇزىندىعى، ەنى قانشا بولادى دەگەن سىندى ماسەلەلەر قاراستىرىلۋى كەرەك. سونداي-اق، جولايرىقتار سالۋ ءۇشىن ۇلكەن كولەمدە جەر ۋچاسكەلەرىن ساتىپ الۋ كەرەك.
كەشە باقىتجان ساعىنتايەۆ ول جەرلەردە ادامدار تۇراتىندىقتان، ساتىپ الۋ قيىنعا سوعاتىنىن اتاپ ءوتتى. الايدا تۇرعىندارمەن كەلىسسوز جۇرگىزۋگە تىرىسىپ جاتىرمىز دەدى. ونىڭ ءوزى ءبىراز ۋاقىتتى تالاپ ەتەدى. جالپى، جولايرىقتار سالۋ قالا تۇرعىندارىنىڭ قاۋىپسىزدىگى، يگىلىگى ءۇشىن ەكەنىن ۇمىتپاۋىمىز كەرەك. سوندىقتان، قاي جاعىنان بولسىن، قالا تۇرعىندارىنىڭ قولداۋى وتە ماڭىزدى دەپ ويلايمىن.