«گاۋھارتاس» دراماسى قويىلعاننان باستاپ بۇل ءان كورەرمەن جۇرەگىنەن ورىن الىپ، حالىق اراسىندا تەز تارادى.
مۋزىكالىق جاس كورەرمەن تەاترى ارتىستەرىنىڭ ورىنداۋىنداعى «قۇداشا» ءانى بۇگىندە رەسپۋبليكامىزدىڭ تۇكپىر-تۇكپىرىندەگى ورتا مەكتەپتەر مەن كوللەدجدەردەگى وقۋشىلاردىڭ، جوعارى وقۋ ورنى ستۋدەنتتەرىنىڭ اراسىندا كەڭ تانىمالدىلىققا يە بولدى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
جۋىردا الەۋمەتتىك جەلىدە كەڭ تاراعان بۇل بەينەۇزىكتىڭ جۇڭگو حالىق رەسپۋبليكاسىنىڭ مەكتەپ وقۋشىلارى مەن ستۋدەنتتەرىنىڭ اراسىندا دا ترەندكە اينالعان ۆيدەولارى تارادى.
استاناداعى مۋزىكالىق جاس كورەرمەندەر تەاترىنىڭ باسپا ءسوز حاتشىسى ءادىلعازى كەرەيەۆتىڭ ايتۋىنشا، «گاۋھارتاس» مۋزىكالىق دراماسىنداعى ورىندالاتىن اندەر پرەمەرا بولعان كۇننەن باستاپ كورەرمەن جۇرەگىنەن ورىن الىپ، حالىق اراسىندا تەز تارادى.
اسىرەسە، حالىق ءانى «قۇداشا» اينالاسى 2-3 اپتانىڭ ىشىندە ينستاگرام، Tik-Tok سەكىلدى الەۋمەتتىك جەلىلەردە ميلليونداعان تىڭدارمانىن تاۋىپ، سۇيىكتى تۋىندىعا اينالىپ شىعا كەلدى.