1 ماۋسىم – حالىقارالىق بالالاردى قورعاۋ كۇنى قارساڭىندا الماتى قالاسى ءماسليحاتىنىڭ دەپۋتاتى ايگۇل شالبايەۆا مەگاپوليستەگى «سەنىم» الەۋمەتتىك قىزمەت ورتالىعىنىڭ بالالارىن مەرەكەمەن قۇتتىقتاپ باردى.
قۇر قول بارماي، ءماسليحاتتىڭ جانە Amanat پارتياcىنىڭ اتىنان، ورتالىقتىڭ وڭالتۋ بولمەسىنە بالالارعا لايىقتاپ جاسالعان قۇرعاق باسسەين سىيلادى. 
«سەنىم» الەۋمەتتىك قىزمەت ورتالىعى دەنساۋلىعىندا كىناراتى بار، ارناۋلى الەۋمەتتىك قىزمەتتەر كورسەتۋگە مۇقتاج 3-18 جاس ارالىعىنداعى 109 بالا تاربيەلەنىپ جاتقان مەديسينالىق-الەۋمەتتىك مەكەمە. ولارعا ستاسيونار جاعدايىندا دا قىزمەت كورسەتىلەدى، ياعني بالالار «سەنىمنىڭ» قاراۋىندا كۇندىز بولادى، ال اتا-انالارى بۇل كەزدە الاڭسىز جۇمىسىندا جۇرەدى. بۇل دا بولسا مەملەكەت تاراپىنان جاسالىپ وتىرعان ۇلكەن قولداۋ. وكىنىشكە قاراي، مۇندا اتا-اناسىنىڭ قامقورلىعىنسىز قالعان ورەندەر دە بار. ولاردىڭ باسىم كوپشىلىگى سەرەبرالدى سال اۋرۋىنا، «داۋن» سيندرومىنا، اۋتيزمگە شالدىققان بالالار.
بالالاردىڭ اتا-انالارى مەن ورتالىق وكىلدەرى Amanat تاراپىنان كورسەتىلگەن قولداۋى ءۇشىن حالىق قالاۋلىسى ايگۇل دۇيسەنقىزىنا العىستارىن ءبىلدىردى.