Air Astana باسپا ءسوز قىزمەتى مالىمەتىنشە، اۋەكومپانيانىڭ جوعالعان جۇكتى ىزدەۋ قىزمەتىنىڭ ماماندارى ەرلان كوكەيەۆتىڭ شاعىمى بويىنشا ىزدەۋ جۇرگىزگەن.
"تەكسەرىس ناتيجەسىندە اۋەجايدا قىزمەتكەرلەر ەرلان كوكەيەۆكە گيتارانى ۇشاققا وزىمەن الىپ كىرۋدى ۇسىنعانى انىقتالدى. الايدا جولاۋشى زاتىن جۇك بولىگىنە جىبەرۋدى جانە گيتاراعا "اينەك" بەلگىسىن جابىسىتىرۋدى سۇراعان. اۋەۋومپانيا قۇجاتتارىنا نازار سالساق، 25 ماۋسىمدا وسكەمەن-الماتى باعىتىنداعى كس302 رەيسىنە ءبىر عانا گيتارا تيەلگەن. كامەرا جازبالارى دا بۇل اقپاراتقا دالەل"، - دەلىنگەن حابارلامادا.
جازبادان ۇشاق قونعاننان كەيىن گيتارا الماتى اۋەجايىنا ءتۇسىرىلىپ، وسى رەيس جولاۋشىلارىنىڭ باسقا دا جۇكتەرىمەن جۇك قايتارۋ جولاعىنا قويىلعانى كورىنەدى.
"وسى ۇشاقتان تۇسكەن قىزىل باس كيىم كيگەن جولاۋشى ەرلان كوكەيەۆتىڭ گيتاراسىن جۇك جولاعىنان العان. اۋەكومپانيا قىزىل باس كيىم كيگەن جولاۋشىدان ەرلان كوكەيەۆكە گيتارسىن قايتارۋدى سۇرايدى. بولماسا ەرلان كوكەيەۆكە جولاۋشىنى انىقتاپ، جوعالعان زاتىن ىزدەپ تابۋ ءۇشىن قۇقىق قورعاۋ ورگاندارىنا حابارلاسۋىن سۇرايمىز. Air Astana ءوز كەزەگىندە پوليسيا جۇمىسىنا جاردەم كورسەتىپ، ۆيدەوكامەرا جازبالارىمەن قامتاماسىز ەتەدى"، - دەلىنگەن تۇسىنىكتەمەدە.