«Saz&Soul» توبى حيۋستونداعى Warehouse LIVE ساحناسىندا جەكە كونسەرت قويدى.
روزا باعلانوۆا اتىنداعى «قازاقكونسەرت» مەملەكەتتىك اكادەميالىق كونسەرتتىك ۇيىمىنىڭ شىعارماشىلىق ۇجىمى تانىمال حالىق اندەرىن، زاماناۋي قازاق مۋزىكاسىن، كۇيلەرىن ءتۇرلى ستيليستيكادا ورىندادى. باعدارلامادا اۆتورلىق اندەر مەن اسپاپتىق شىعارمالار دا بولدى، دەپ حابارلايدى Almaty-akshamy.kz.
كونسەرتتىڭ ەرەكشە تۇسى قازاقستاندىق كومپوزيتور تىلەس قاجىعالييەۆتىڭ 75 جىلدىعىنا وراي «Saz&Soul-دىڭ» جاڭا ارانجيروۆكادا وڭدەلگەن «ماڭگىلىك ماحاببات» كومپوزيسياسىنىڭ ورىندالۋى بولدى.
«Saz&Soul» توبىنىڭ شىعارماشىلىعى قازاق حالىق اندەرى مەن اۆتورلىق شىعارمالارعا نەگىزدەلگەن. ولاردىڭ رەپەرتۋارىنان اكادەميالىق مۋزىكا، دجاز، پوپ، سامبا، رۋمبا جانە تەحنو-ەلەكتروندى مۋزىكا سياقتى ءتۇرلى جانرلار مەن ستيلدەردى تىڭداۋعا بولادى.