پاۆيلوندا تۇراقتى جۇمىس ىستەيتىن كورمەلەر، ونەر گالەرەيالارى، ۇلتتىق تاعامدار مەيرامحاناسى، جارمەڭكەلەر، قازاقستاندىق تاۋارلاردى، كادەسىي ونىمدەرىن ساتۋ ورىندارى بار.
ق ر ساۋدا جانە ينتەگراسيا ۆيسە-مينيسترى قايرات تورەبايەۆ ماسكەۋ قالاسىنداعى ق ر ساۋدا وكىلدىگىندە جۇمىس ساپارىمەن بولدى، دەپ حابارلايدى Almaty-akshamy.kz اتالعان مينيسترلىكتىڭ باسپا ءسوز قىزمەتىنە سىلتەمە جاساپ.
جۇمىس كەڭەسى بارىسىندا ساۋدا وكىلدىگىنىڭ جۇمىس قورىتىندىلارى، اعىمداعى كەزەڭگە ارنالعان جوسپارلار، سونداي-اق 2022 جىلعا ارنالعان جوسپارلار تالقىلاندى.
ساۋدا وكىلدىگى فەدەرالدى ماڭىزى بار مادەني مۇرا وبەكتىسى بولىپ تابىلاتىن حالىق شارۋاشىلىعى جەتىستىكتەرى كورمەسىندەگى (حشجك) قازاقستان رەسپۋبليكاسىنىڭ پاۆيلونىنا بارۋدى ۇيىمداستىردى. پاۆيلوندى ارالاۋ شەگىندە ۆيسە-مينيستر ق. تورەبايەۆ پاۆيلون ديرەكسياسىمەن جۇمىس ىستەۋ، ءىس-شارالاردى وتكىزۋ مۇمكىندىگى، پاۆيلوننىڭ ساۋدا-كورمە الاڭىنىڭ تولتىرىلۋى جانە ت.ب. ماسەلەلەردى تالقىلادى.
قازاقستان پاۆيلونىنىڭ اشىلۋى رەسپۋبليكا ءۇشىن ەكونوميكالىق ءتيىمدى جانە پەرسپەكتيۆالى باعىت بولىپ تابىلادى، ويتكەنى جىل سايىن حشجك-عا 32 ميلليوننان استام ادام كەلەدى. پاۆيلوندا تۇراقتى جۇمىس ىستەيتىن كورمەلەر، ونەر گالەرەيالارى، ۇلتتىق تاعامدار مەيرامحاناسى، جارمەڭكەلەر، قازاقستاندىق تاۋارلاردى، كادەسىي ونىمدەرىن ساتۋ، سونداي-اق دياسپورالارمەن كەزدەسۋلەر جانە قازاقستاندىق كينەماتوگرافتىڭ فيلموگرافياسىنىڭ كورسەتىلىمى بولادى دەپ جوسپارلانۋدا.