سەبەبى ەپيداحۋال ءالى دە ۋشىعىپ تۇر.
بۇل الماتى قالالىق كاسىپكەرلەر پالاتاسىنىڭ ۇسىنىسى، دەپ حابارلايدى Almaty-akshamy.kz
وتكەن تاۋلىكتە كوروناۆيرۋس 1540 ادامنان انىقتالعان. ال تامىز ايىندا 34 مىڭنان اسا ادام اۋرۋ جۇقتىرادى دەگەن بولجام بار. الماتى ءقازىر «قوڭىر-قىزىل ايماقتا». الداعى ەكى اپتا بويى ءبىرقاتار نىسان جۇمىس كۇندەرى كەشكى سەگىزگە دەيىن، ال «Ashyq كوشباسشىلارى» تۇنگى ونعا دەيىن جۇمىس ىستەيدى. ءبىراق دەمالىس كۇندەرى جۇمىسىن توقتاتادى.
بۇل شەكتەۋلەردىڭ ءدارىحانالار، ازىق-تۇلىك دۇكەندەرى مەن اكىمدىكتەر، قۇقىق قورعاۋ ورگاندارى مەن بۇقارالىق اقپارات ۇيىمدارىنا قاتىسى جوق. بارلىق سپورتتىق، وتباسىلىق شارالار قاتاڭ باقىلاۋدا بولادى.
«وتكەن اپتادا كورونوۆيرۋس ينفەكسياسىن جۇقتىرۋ الدىڭعى اپتامەن سالىستىرعاندا 1،5 ەسە ءوستى. ياعني ءبىر اپتادا 9852 ادام ۆيرۋس جۇقتىرعان. ال تاۋلىكتىك ءوسىم 1،7 پروسەنتكە ارتىپ وتىر. ناۋقاستاردىڭ جاسى بويىنشا جاسالعان قورىتىندىعا سايكەس اۋرۋ جۇقتىرۋدىڭ نەگىزگى كورسەتكىشى ەگدە جاستاعى ازاماتتارعا تيەسىلى. ودان بولەك، جاسوسپىرىمدەر اراسىندا ۆيرۋس جۇقتىرۋ 0،7 پروسەنتكە وسكەنىن ايتا كەتۋ كەرەك»، -دەدى «حابار 24» سايتىنا سۇقبات بەرگەن قالالىق سەبد باسشىسىنىڭ ورىنباسارى اسەل قالىقوۆا.