ونىڭ ولىمىنە نە سەبەپ بولعانى ازىرگە بەلگىسىز
ماسكەۋ قالاسىنداعى پاتەرىنەن 37 جاستاعى ناتاليا سەماگونىڭ ءمايىتى تابىلدى، دەپ حابارلايدى Almaty-akshamy.kz Azattyq Ruhy-نا سىلتەمە جاساپ.
ايتا كەتەيىك، ناتاليا سەماگو قازاقستاندا تۋعان جانە 2000 جىلى ەلىمىزدەگى «قازاقستان ارۋى» بايقاۋىن جەڭىپ العان. ونىڭ دەنەسى روستوۆ جاعالاۋىنداعى پاتەرىنەن تابىلدى. ايەلدىڭ ولىمىنە نە سەبەپ بولعانى ازىرگە بەلگىسىز.
ءبىراق، Telegram ارنالارىنىڭ جازۋىنشا، ناتاليانىڭ جانىندا كىشكەنتاي بالا بولعان. ءدال سول بالا كورشىلەرىنەن كومەك سۇراپ، "جەدەل جاردەم" شاقىرتقان.
مارقۇم ناتاليا سەماگو قازاقستاننان ماسكەۋگە كوشىپ بارىپ، جەرگىلىكتى تەاتردا جۇمىس ىستەگەن. سونىمەن قاتار، بىرنەشە سەريالدارعا تۇسكەن.