قولايسىز اۋا رايىنا بايلانىستى ەلىمىزدىڭ ءتورت وڭىرىندە ەسكەرتۋ جاريالاندى

تۇمان جانە كوكتايعاق بولادى

"قازگيدرومەت" رمك دەرەكتەرىنە سايكەس، ەلىمىزدىڭ كەيبىر وبلىستارىندا 30 قاراشادا قولايسىز اۋا رايىنا بايلانىستى ەسكەرتۋ جاريالاندى. سينوپتيكتەر قاتتى جاۋىن-شاشىن، تۇمان جانە كوكتايعاق بولاتىنىن بولجايدى، دەپ حابارلايدى Almaty-akshamy.kz.

كۇندىز قىزىلوردا وبلىسىنىڭ ورتالىعىندا سولتۇستىك شىعىستان باتىسقا ويىسا 15-20 م/س جىلدامدىقپەن جەل سوعادى.

تۇندە شىعىس قازاقستان وبلىسىنىڭ سولتۇستىك شىعىسىندا -40°س قاتتى اياز بولادى.

تۇركىستان وبلىسىنىڭ تاۋلارىندا قاتتى جاۋىن-شاشىن بولادى (قار ارالاس جاڭبىر). وبلىستىڭ وڭتۇستىگىندە، باتىسىندا، تاۋلى اۋماقتارى مەن تاۋ بوكتەرىندە تۇمان ءتۇسىپ، كوكتايعاق بولادى. تاۋ اسۋلارىندا وڭتۇستىك باتىستان قاتتى جەل سوعادى، ەكپىنى - 15-20 م/س.

شىمكەنت قالاسىندا تۇمان ءتۇسىپ، كوكتايعاق بولاتىنى بولجانادى.

تۇركىستاندا دا تۇمان، كوكتايعاق بولادى.

جەتىسۋ وبلىسىنىڭ سولتۇستىگىندە، تاۋلى اۋداندارىندا تۇمان تۇسەدى. ءوڭىردىڭ سولتۇستىگىندە، شىعىسىندا سولتۇستىك شىعىستان سوققان جەلدىڭ ەكپىنى 15-20 م/س، كەي تۇستا 23-28 م/س قۇرايدى. الاكول اۋماعىندا وڭتۇستىك شىعىستان سوققان جەلدىڭ ەكپىنى 30 م/س جانە ودان دا جوعارىعا جەتەدى دەپ بولجانادى.

سينوپتيكتەر رەسپۋبليكامىزدىڭ كوپ بولىگى ءالى دە سۋىق سولتۇستىك انتيسيكلوننىڭ ىقپالىندا ەكەنىن، وسىعان بايلانىستى ايازدى اۋا رايى ساقتالاتىنىن ەسكەرتەدى.