ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ءماسىموۆ شىعارىلعان ۇكىمگە قاتىستى اپەللياسيالىق شاعىم ءتۇسىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇدان بۇرىن حابارلانعانداي، بيىل 24 ساۋىردە استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ماسىموۆكە جانە ونىڭ ورىنباسارلارى ا.سادىقۇلوۆقا، د.ەرعوجينگە، م.وسيپوۆكە قاتىستى قىلمىستىق ءىس بويىنشا ۇكىمىن جاريا ەتتى.
ك.ءماسىموۆ 18 جىلعا سوتتالعان ەدى.
«اپەللياسيالىق شاعىم ءتۇسىرىلدى، ءبىراق ءىس اپەللياسيالىق سوتقا ءالى كەلىپ تۇسكەن جوق. اتاپ ايتقاندا، ءىس «اسا قۇپيا» مارتەبەسىمەن قارالعاندىقتان، باسقا مالىمەتتەر جاريا ەتۋگە جاتپايدى»، - دەلىنگەن قالالىق سوت باسپا ءسوز قىزمەتىنىڭ مالىمەتىندە.