2023 جىلدىڭ ءساۋىر ايىندا قازاقستان بانكتەرىنىڭ اكتيۆتەرى 184 ملرد تەڭگەگە ازايدى.
بۇل تۋرالى ۇلتتىق بانك ەسەبىندە ايتىلعان، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
«قازاقستان بانكتەرىنىڭ اكتيۆتەرى ءساۋىر ايىندا 184 ملرد تەڭگەگە نەمەسە 0،4%-عا ازايىپ جانە 2023 جىلعى 1 مامىرعا 44،8 ترلن تەڭگەنى قۇرادى. قارىزدار دا قىسقاردى – 392 ملرد تەڭگەگە نەمەسە 39 ترلن تەڭگەگە دەيىن»، – دەلىنگەن ۇلتتىق بانك ەسەبىندە.
قۇجاتقا سايكەس، ەكىنشى دەڭگەيدەگى بانكتەردىڭ كاپيتالى 2023 جىلعى ساۋىردە 207 ملرد تەڭگەگە – 5،9 ترلن تەڭگەگە دەيىن وسكەن.
ءپاسسيۆتى جيىنتىق بويىنشا كورسەتكىشتەر دە ءبىرشاما وزگەرگەن. ساۋىردە ول 45 ترلن قۇراسا، مامىر ايىنداعى كورسەتكىش 44،8 ترلن تەڭگە بولعان.
ال حالىقارالىق قارجى ۇيىمدارىنان الىنعان قارىزدار كولەمى كەرىسىنشە وسكەن. ءساۋىر ايىندا بۇل كورسەتكىش 50 ملن تەڭگەدەن مامىر ايىندا 65،9 ملن تەڭگەگە جەتكەن.