بۇل تۋرالى مۇناي-گاز سالاسىندا ماشينا جاساۋشىلاردىڭ العاشقى فورۋمىندا ايتىلدى.
وتكەن جىلى ەلىمىزدەگى ەڭ ءىرى 3 مۇناي وپەراتورى 310 ملرد تەڭگەنىڭ جابدىقتارىن ساتىپ العان. وكىنىشكە قاراي، ونىڭ تەك 9 پايىزى عانا وتاندىق ونىمدەر، دەپ حابارلايدى Almaty-akshamy.kz
ءقازىر اتالعان سالادا زاماناۋي جابدىقتارعا سۇرانىس ارتىپ كەلەدى. ءبىراق، وتاندىق ءونىمنىڭ ۇلەسى از. ولقىلىقتىڭ ورنىن تولتىرۋ ءۇشىن بىرلەسكەن جوبالار مەن تىڭ يدەيالار قاجەت. پاندەميا وتاندىق ماشينا جاساۋشىلار ءۇشىن ۇلكەن قولبايلاۋ بولدى دەيدى قاتىسۋشىلار. ءقازىر قوردالانعان ماسەلەردى ءبىرجاقتى ەتۋ ءۇشىن ەلىمىزدە حالىقارالىق ورتالىق قۇرىلعان. بۇل رەتتە ءتيىستى ۆەدومستۆولار مەن مۇددەلى تاراپتار اتالعان ۇيىممەن بىرلەسە جۇمىس ىستەۋى قاجەت. سەبەبى، ماسەلە بارىنە ورتاق. قىزىعۋشىلىق تانىتقان ينۆەستورلاردى قولداۋ دا ماڭىزدى.
"ىشكى نارىقتى دامىتۋ – كەشەندى شارا، ورتاق مىندەت. ولاردى جۇزەگە اسىرۋ ءۇشىن مۇددەلى تاراپتاردى بەلسەندى اتسالىسۋعا شاقىرامىن. اسىرەسە، مۇناي-گاز سالاسىنداعى ءىرى وپەراتورلار، ماشينا جاساۋشىلار مەن مەملەكەتتىك ورگاندار شەت قالماۋى ءتيىس. فورۋم جۇمىسى جەمىستى بولادى دەگەن ۇمىتتەمىن"، - دەيدى ق ر پرەمەر-مينيسترىنىڭ ءبىرىنشى ورىنباسارى رومان سكليار.