ستەند اتۋدان قازاقستان كومانداسىنىڭ مۇشەسى ماريا دميتريەنكو ىرىكتەۋدىڭ العاشقى كەزەڭىنەن ءساتتى ءوتتى.
دميتريەنكو "تراپ" باعدارلاماسىندا سىنعا ءتۇسىپ، ىرىكتەۋدەن 4-ورىن الدى. ول جالپى ەسەبى 73 ۇپاي جيناعان. ىرىكتەۋدىڭ ەكىنشى كەزەڭىنە العاشقى 8 سپورتشى عانا جولداما الادى، دەپ حابارلايدى aqshamnews.kz ۇلتتىق وليمپيادا كوميتەتىنە سىلتەمە جاساپ.
ىرىكتەۋ سىنىندا 75 ۇپايمەن يسپانيالىق ماگرينا مار مولنە كوش باستاپ تۇر. ەكىنشى ورىندا 74 ۇپايمەن تاعى ءبىر يسپانيا سپورتشىسى فاتيما گالۆەس ورنالاسقان.
ءۇشىنشى ساتىدا اۆستراليالىق پەنني سميت. ەندى دميتريەنكو فينالعا شىعۋ ءۇشىن ەرتەڭ وتەتىن ىرىكتەۋ اينالىمىندا التىلىققا ەنۋى كەرەك.