ونلاين-نوتاريۋس قىزمەتى بارىن بىلەسىز بە؟

نەگىزى، قىزمەتتىڭ بۇل ءتۇرى بىلتىردان بار.

ەندى ۋاقىت قۇرتىپ نوتاريۋس ىزدەپ بارماي، كەزەك كۇتپەي ونى تۇرعان جەرىڭىزدە ونلاين راسىمدەي الاسىز، دەپ حابارلايدى aqshamnews.kz  qarzhylyq_sauat تەلەگرام كانالىنا سىلتەمە جاساپ.

سونىمەن، ونلاين-نوتاريۋس قالاي جۇمىس ىستەيدى؟

جالپى، سمارتفون ۇستايتىن كەز كەلگەن ادام تەلەفونىنا eGovMobile قوسىمشاسىن جۇكتەپ، تىركەلىپ قويعانى ءجون. ويلاماعان جەردەن پايداسىن كورىپ قالۋىڭ عاجاپ ەمەس.

ادەتتە، جۇرت نوتاريۋسقا سەنىمحات راسىمدەۋ ءۇشىن جۇگىنەدى. ەندى ۋاقىت قۇرتىپ نوتاريۋس ىزدەپ بارماي، كەزەك كۇتپەي ونى تۇرعان جەرىڭىزدە ونلاين راسىمدەي الاسىز. تەلەفونداعى كەلەسى قادامىڭىز بىلاي:

🔹 eGovMobile قوسىمشاسىن اشاسىز؛

🔹 «سەرۆيستەر» قىزمەتىنەن «Enotary» سەرۆيسىن تاڭدايسىز؛

🔹 دەرەكتەردى تولتىراسىز؛

🔹 «قىزمەتكە ونلاين تاپسىرىس بەرۋ» قاجەت؛

🔹 بيومەتريا بويىنشا قىزمەتكە قول قوياسىز؛

🔹 نوتاريۋسپەن بەينە-بايلانىسقا شىعۋ ءۇشىن (كامەراعا) رۇقسات بەرەسىز؛

🔹 «بەينە قوڭىراۋعا ءوتۋ» تۇيمەسىن باسىپ، نوتاريۋستان جاۋاپ كۇتەسىز.

ياعني، سول مەزەتتە بوس وتىرعان نوتاريۋستىڭ ءبىرى سىزبەن ۆيدەو ارقىلى ونلاين-بايلانىسقا شىعادى. ءسىز نوتاريۋستان قانداي قۇجات كەرەك ەكەنىن ايتاسىز، قىزمەت كورسەتۋشى تاراپ Kaspi قوسىمشاسى ارقىلى تولەم شوتىن ۇسىنادى.

اقىسى تولەنگەن سوڭ ساناۋلى مينۋتتاردان كەيىن وزىڭىزگە كەرەك انىقتاما egov-تاعى جەكە كابينەتىڭىزدە جۇكتەپ الۋ ءۇشىن PDF-فورماتتا دايىن تۇرادى نەمەسە جاڭا سەنىمحاتتى eGovMobile قوسىمشاسىندا «سيفرلىق قۇجاتتار» سەرۆيسىنەن كورە الاسىز.