قاراعاندى وبلىستىق ءماسليحاتىنىڭ دەپۋتاتى جانە «بايتاق» پارتياسىنىڭ قاراعاندى وبلىستىق فيليالىنىڭ ءتوراعاسى سەيفۋل-مالىك قازيتوۆ قازاقستاندا اەس سالۋ جوباسىن قولدايتىنىن مالىمدەدى، دەپ حابارلايدى aqshamnews.kz.
«اتوم ەنەرگەتيكاسى – ەلدىڭ ەكونوميكالىق دامۋى مەن ەكولوگيالىق تۇراقتىلىعىنا سەپتىگىن تيگىزەتىن ماڭىزدى فاكتور. اەس تازا ەنەرگيا كوزى رەتىندە ەنەرگەتيكالىق قاۋىپسىزدىكتى قامتاماسىز ەتىپ قانا قويماي، ەكونوميكانىڭ ءتۇرلى سەكتورلارىنا جاعىمدى اسەرىن تيگىزەدى»، – دەدى قازيتوۆ.
پرەزيدەنت قاسىم-جومارت توقايەۆ ءوزىنىڭ جولداۋىندا اەس سالۋ قاجەتتىلىگىن اتاپ ءوتىپ، بۇل ماسەلەنى جالپىۇلتتىق رەفەرەندۋم ارقىلى شەشۋدى ۇسىنعان بولاتىن. قازيتوۆ پرەزيدەنتتىڭ بۇل باستاماسىن قولدايتىنىن جانە اتوم ەنەرگەتيكاسىن دامىتۋ ەل ءۇشىن ماڭىزدى ستراتەگيالىق شەشىم ەكەنىن اتاپ ءوتتى.
«اەس سالۋ – ەلدىڭ تۇراقتى دامۋىنا جانە ەكولوگيالىق تازا ەنەرگيانى وندىرۋگە مۇمكىندىك بەرەتىن جوبالاردىڭ ءبىرى. بۇل جوبا ۇزاق مەرزىمدى پەرسپەكتيۆادا قازاقستاننىڭ ەكونوميكاسى مەن حالىقتىڭ ءال-اۋقاتىنا جاعىمدى اسەر ەتەدى»، – دەدى ول.
سونداي-اق، دەپۋتات قازىرگى ۋاقىتتا اتوم ەنەرگەتيكاسى سالاسىندا جاڭا بۋىن رەاكتورلارى سياقتى يننوۆاسيالىق تەحنولوگيالار بەلسەندى تۇردە دامىپ كەلە جاتقانىن جانە بۇل باعىتتا قازاقستاننىڭ دا ايتارلىقتاي الەۋەتى بار ەكەنىن ايتتى.
«ەلىمىز ۋران قورى بويىنشا الدىڭعى قاتارلى مەملەكەتتەردىڭ ءبىرى رەتىندە، اتوم ەنەرگەتيكاسىنىڭ دامۋىنا ۇلكەن ۇلەس قوسا الادى. سوندىقتان بۇل جوبانى قولداۋ – ءبىزدىڭ كەلەشەك ۇرپاقتىڭ تۇراقتى دامۋىن قامتاماسىز ەتۋدىڭ ماڭىزدى قادامى»، – دەدى سەيفۋل-مالىك قازيتوۆ.