ق ر ەڭبەك جانە حالىقتى الەۋمەتتىك قورعاۋ مينيسترلىگى «اشىق نقا» پورتالىندا تالقىلاۋ ءۇشىن كاسىپتىك وقىتۋدى ۇيىمداستىرۋ جانە قارجىلاندىرۋ قاعيدالارىنا تۇزەتۋلەر جوباسىن ازىرلەدى جانە ورنالاستىردى، ونىڭ شەڭبەرىندە Skills Enbek ونلاين-پلاتفورماسىنداعى كۋرستار پراكتيكالىق ساباقتارمەن، ونىڭ ىشىندە ۆيرتۋالدى شىندىق تەحنولوگيالارىن پايدالانا وتىرىپ تولىقتىرىلاتىن بولادى.
وسى جاڭاشىلدىقتى ىسكە اسىرۋ ءۇشىن مانساپ ورتالىقتارىندا ءبىلىم الۋشىلار VR شلەمدەر مەن نوۋتبۋكتەردى پايدالانا الاتىن ارنايى جابدىقتالعان كابينەتتەر پايدا بولادى، دەپ حابارلايدى almaty-akshamy.kz.
تۇزەتۋلەر جوباسى «اشىق نقا» پورتالىندا ا. ج. 1 تامىزىنا دەيىن جاريا تالقىلاۋ ءۇشىن ورنالاستىرىلعان: https://legalacts.egov.kz/npa/view؟id=15141972.
ەستەرىڭىزگە سالا كەتەيىك، Skills Enbek كاسىپتىك وقىتۋ پلاتفورماسى قازاقستاندىقتارعا ونلاين-كۋرستاردان ءوتۋ ارقىلى جاڭا داعدىلار مەن ءتىپتى كاسىپتەر الۋعا مۇمكىندىك بەرەدى. تەك 2024 جىلى 61 مىڭنان استام ازامات وقۋدان ءوتىپ، ءتيىستى سەرتيفيكاتتار الدى.
بۇگىنگى تاڭدا Skills Enbek پورتالىندا 500-گە جۋىق كۋرس ورنالاستىرىلعان، ونىڭ جارتىسىنان كوبى تەگىن. كۋرستاردىڭ ۇزاقتىعى 1-دەن 72 ساعاتقا دەيىن.
وقۋعا تىكەلەي https://skills.enbek.kz/ سىلتەمەسى ارقىلى نەمەسە enbek.kz سايتىندا «ونلاين وقىتۋ» ءبولىمىن تاڭداۋ ارقىلى قول جەتكىزۋگە بولادى.