«مانساپ كۇنى» ونلاين بوس جۇمىس ورىندارى جارمەڭكەسى كرەاتيۆتى جاستاردى جۇمىسقا ورنالاستىرۋعا قولداۋ كورسەتۋگە، ازاماتتاردىڭ جۇمىسقا ورنالاسۋىنا جانە جۇمىس بەرۋشىلەردىڭ لايىقتى جۇمىس ىزدەپ جۇرگەن قاجەتتى ىزدەنۋشىلەردى (كادرلاردى) تاڭداپ الۋىنا جاردەمدەسۋ ارقىلى كرەاتيۆتىك قوعام وكىلدەرىنىڭ الەۋەتىن اشۋعا باعىتتالعان.
2021 جىلعى 7 جەلتوقساندا ساعات 11.00-دە الماتى قالاسى كرەاتيۆتىك يندۋستريالار باسقارماسىنىڭ ۇيىمداستىرۋىمەن «مانساپ كۇنى» ونلاين بوس ورىندار جارمەڭكەسى وتەدى، دەپ حابارلايدى Almaty-akshamy.kz
جارمەڭكەنىڭ ارتىقشىلىعى الماتى قالاسىنىڭ حالىقتى جۇمىسپەن قامتۋ ورتالىعىنىڭ قاتىسۋى، سونداي-اق قازاقستاننىڭ ەڭبەك نارىعىندا سبەربانك قازاقستان، قازاقستان حالىق بانكى، حالىك Life، Magnum Cash & Carry، Centras Group، «الينا» كومپانيالار توبى، «نۇربانك» اق، «شاگ» كومپيۋتەرلىك اكادەمياسى، «ازمك» ج ش س، «جەدەل كۇزەت» ج ش س، «دۋدار» جانە «تورنادو پليۋس» كومپانيالارى سياقتى جەتەكشى كومپانيالاردىڭ تانىمال كاسىپكەرلەرى مەن رەكرۋتەرلەرىنىڭ قاتىسۋى بولىپ تابىلادى. ءىس-شارادا 100-دەن استام بوس جۇمىس ورنى بويىنشا اڭگىمەلەسۋ وتەدى، ىزدەنۋشىلەردەن 350-دەن استام ءوتىنىم قابىلداندى.
ءىس-شارادا سپيكەر رەتىندە الماتى قالاسى كرەاتيۆتىك يندۋستريالار باسقارماسى باسشىسىنىڭ ورىنباسارى مۇقاجانوۆا اسەل نۇرلان قىزى، سبەربانك قازاقستان كومپانياسىنىڭ DevOps باعىتىنىڭ جەتەكشىسى مۇستافين ءىلياس، سبەر قازاقستان كومپانياسىنىڭ اندەررايتينگ جانە مونيتورينگ دەپارتامەنتىنىڭ ديرەكتورى زوردينوۆ كۋدرات، قازاقستان حالىق بانكىنىڭ وكىلى الەكساندر ۆيشنيەۆسكيي جانە «الماتى قالاسى اكىمدىگىنىڭ حالىقتى جۇمىسپەن قامتۋ ورتالىعى» كمم-نىڭ جۇمىس بەرۋشىلەردى قولداۋ ءبولىمىنىڭ باسشىسى جۇكەنوۆا التىناي ايازباي قىزى ءسوز سويلەيدى.
ءىس-شارانىڭ مودەراتورى - ءارتىس داۋرەن سەرعازين.
وتەتىن ورنى: Alatau Creative Hub، الماتى ق.، اتلەتيكالىق اۋىلى تك، نۇركەنت شاعىناۋدانى، 5/11.
ءىس-شارانىڭ كورەرمەنى جانە شولۋشىسى رەتىندە قاتىسۋعا شاقىرامىز، قاتىسۋ ءۇشىن وتىنىمدەردى ۇيىمداستىرۋشى ءابدىمومىن ماراتقا 87756801000 ءنومىرى بويىنشا حابارلاسىپ، راستاي الاسىز.