بوستاندىق اۋدانىندا 2021 جىلى تەننيس ورتالىعى، شاڭعى ترامپليندەرى مەن سپورت كەشەندەرى سالىندى
پاندەمياعا قاراماستان، الماتىنىڭ بوستاندىق اۋدانىندا جاڭا سپورت عيماراتتارىنىڭ قۇرىلىسى جالعاسۋدا، دەپ حابارلايدى Almaty-akshamy.kz
بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە اۋدان اكىمى التاي راحىمبەتوۆ مالىمدەدى.
«ءبىز بۇقارالىق سپورتتى دامىتۋدامىز، سالاۋاتتى ءومىر سالتىن ناسيحاتتاۋ باعىتىندا سپورتتىق ينفراقۇرىلىمدى بيۋدجەت ەسەبىنەن دە، ينۆەستورلار ەسەبىنەن دە نىعايتۋدى جالعاستىرۋدامىز. بيىل جىل بويى جۇمىس ىستەيتىن «جاندوسىم» تەننيس ورتالىعىنىڭ قۇرىلىسى اياقتالدى. ورتالىق تاۋلىگىنە 200 ادام قابىلداي الادى»، - دەدى التاي راحىمبەتوۆ.
اۋدان اكىمى «سۇڭقار»شاڭعى ترامپليندەرىنىڭ ەكىنشى كەزەگىنىڭ قۇرىلىسى اياقتالعانىن حابارلادى. وندا 580 ورىندىق مىنبەرى بار امبەباپ زال، جابىق ءجۇزۋ باسسەينى مەن قوناق ءۇي كەشەنى ورنالاساتىن بولادى. تاۋلىگىنە 940 ادامدى قابىلداي الادى.
Champion جەكە قورىنىڭ قولداۋىمەن زاماناۋي MyWin سپورت كەشەنىنىڭ قۇرىلىسى باستالدى، وندا امبەباپ زال مەن باسسەين ورنالاسادى. اياقتالۋ مەرزىمى 2022 جىلعا جوسپارلانعان.
ا. راحىمبەتوۆ الماتىلىقتاردىڭ سپورتتى سۇيەتىنىن، بۇل سۇيىسپەنشىلىكتىڭ مەكتەپ قابىرعاسىنان قالىپتاساتىنىن اتاپ ءوتتى. مىسالى، اۋداننىڭ مەكتەپتەرىندە، جوو مەن كوللەدجدەردە 400-گە جۋىق تەگىن سەكسيا جۇمىس ىستەيدى، وندا 20 مىڭنان استام وقۋشىلار مەن ستۋدەنتتەر جاتتىعادى. سونىمەن قاتار، 15 سپورت الاڭىندا فۋتبول، باسكەتبول، ۆوركاۋت جانە تەننيس بويىنشا تەگىن جاتتىعۋلار وتكىزىلەدى.