قۋاڭشىلىق زاردابىن تارتقان مالشىلاردىڭ ءتىزىمى جاسالىپ جاتىر
ءقازىر ايماقتا مال باسى قايتا سانالىپ، تىركەۋگە الىنا باستادى. جەرگىلىكتى اكىمدىكتەر تىزىمگە ەنگەن شارۋا قوجالىقتارىنىڭ ماسەلەسىن شەشۋگە كومەكتەسەدى، دەپ حابارلايدى almaty-akshamy.kz
وڭىردە ماۋسىم ايىندا 631 مىڭ 179 تۇلىك بولعان. سونىڭ 460 مىڭعا جۋىعى انالىق مال. بيىلعى جازدا 1 مىڭنان استام ءىرى قارا دالادا قىرىلدى. اسىرەسە، وندى، مىرزايىر، باسقۇدىق، ۇشتاعان، جارما، سازدى اۋىلى ماڭىنداعى شارۋاشىلىقتاردا جىلقى شىعىنى بولدى.
مال ساناعى اياقتالعان سوڭ، شارۋانىڭ جەم-شوپكە جۇمساعان شىعىنىن ءىشىنارا وتەۋ ءۇشىن انالىق مالعا قارجى بەرىلەدى. مەملەكەت قازىناسىنان 1،9 ملرد تەڭگە ءبولىندى. ەشكى مەن قويدىڭ جاسى 12، سيىر 18، تۇيە-جىلقى 36 ايعا تولۋى كەرەك.
قىسقى مال ازىعى قورىن جاساۋعا ايماق بيۋدجەتىنەن 5،3 ملرد تەڭگە قاراستىرىلدى. ونىڭ 1،9 ملرد تەڭگەسى ءشوپ، قالعان 3،4 ملرد قاراجات جەم ساتىپ الۋعا جۇمسالادى.